Vieteran VMS ZŠA nazvaŭ słabaje miesca Rasii ŭ vypadku vajny z NATA
Praz hłabalizacyju Rasija stała zaležnaj ad vykarystańnia marskich šlachoŭ i tamu ŭraźlivaja ŭ hetym płanie z punktu hledžańnia «stratehičnaha strymlivańnia». Takoje mierkavańnie vieterana VMS ZŠA, aŭtara knihi «Savieckaja vajenna-marskaja dypłamatyja» Bredfarda Dysmjuksa pryvodzić partał Clio's Musings, piša ria.ru.
«Uraźlivaść Rasii na mory zdajecca vidavočnaj i praciahvaje raści» — śćviardžaje jon.
Dysmjuks adznačaje važnaść handlovaha fłotu dla Rasii, jaki, pavodle jaho słoŭ, zajmaje druhoje miesca paśla Kitaja pa kolkaści handlovych sudoŭ pad nacyjanalnym ściaham.
Vieteran VMS ZŠA ličyć, što ŭ vypadku tearetyčnaj «ahresii» z boku Rasii NATA pavinna abviaścić poŭnuju błakadu i zabiaśpiečyć jaje vykanańnie ŭsimi dastupnymi hramadzianskimi i vajennymi srodkami.
«Zachad pavinien pierakanaŭča pahražać Rasii pazbaŭleńniem prava karystańnia Suśvietnym akijanam», — zajaviŭ Dysmjuks.
Na jaho dumku, błakada pakinie Rasiju biez mahčymaści vykarystoŭvać Suśvietny akijan u hłabalnym maštabie ŭ lubych metach — vajennych abo mirnych. Pa zadumie Dysmjuksa, amierykanski fłot budzie vysočvać rasijskija sudny ŭ arktyčnych vodach, fłoty jeŭrapiejskich krain — u morach vakoł Jeŭropy, a sajuźniki ZŠA ŭ Cichaakijanskim rehijonie — Japonija i Paŭdniovaja Kareja — stanuć błakavać ŭschodnija party Rasii.
«Heta aznačała b pachavać nadziei Rasii atrymać vyhadu z ekspartu hazu i sielskahaspadarčaj pradukcyi. < … > Usie zachodnija vajskova-marskija siły, razam z naziemnaj vajskovaj mocaj, pavinny zabiaśpiečvać błakadu da taho času, pakul Rasija nie pahadzicca na adnaŭleńnie status-kvo», — zajaviŭ jon.
Dysmjuks padsumavaŭ, što dla vyviadzieńnia z ładu rasijskich handlovych sudoŭ spatrebicca novy vid zbroi, idealna prydatny dla parazy ruchavikoŭ biez čałaviečych achviar abo značnaj škody dla samich karabloŭ.
Kamientary