Uručeńnie premii «Debiut» pieranosicca na nastupny hod. Knih katastrafična mała
Zasnavalniki premii pryniali rašeńnie pieranieści ŭručeńnie «Debiutu» na 2021 hod. Adnak na fiestyvali «Pradmova» adbudziecca admysłovaja impreza z nahody dziesiacihodździa premii.
Zazvyčaj premija «Debiut» imia Maksima Bahdanoviča ŭručałasia aŭtaram da 35 hadoŭ u troch naminacyjach: paezija, proza i mastacki pierakład. Ale ŭ 2019 hodzie vyjšła niedastatkovaja kolkaść knih navat dla farmavańnia poŭnaha śpisu.
U suviazi z adsutnaściu kankurencyi ŭ dźviuch naminacyjach zasnavalniki premii pryniali rašeńnie sioleta nie pravodzić premiju. Pry hetym knihi, padadzienyja na konkurs, buduć razhladacca ŭ nastupnym hodzie, paviedamlaje pres-słužba Sajuza biełaruskich piśmieńnikaŭ
Premija «Debiut» imia Maksima Bahdanoviča była zasnavanaja ŭ 2010 hodzie Dabračynnym fondam «Viartańnie», Biełaruskim PEN-centram i Sajuzam biełaruskich piśmieńnikaŭ. U honar jubileju premii budzie arhanizavanaja admysłovaja viečaryna ŭ miežach fiestyvalu intelektualnaj knihi «Pradmova», jaki projdzie 2-5 krasavika ŭ Minsku.
Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka2
Kamientary