Sieviaryniec pra vyklučeńnie Ancipava z PEN-Centra: Daŭno para było
Pavieł Sieviaryniec, jakoha nie tak daŭno vyklučyli z PEN-Centra, prakamientavaŭ «Našaj Nivie» čarhovaje skandalnaje vyklučeńnie z arhanizacyi, na hety raz Paŭła Ancipava.
«Daŭno para było. Ancipaŭ — adzin z tych, chto davioŭ PEN da siońniašniaha stanu. Zaraz treba dzieviacioch chryścijanaŭ, jakija padali zajavy na ŭstupleńnie, uklučyć (Aleha Biembiela, Alaksieja Maračkina, Andreja Kima, Antonija Bokuna i astatnich), dy i mianie viarnuć. I razam budziem abmiarkoŭvać, jak vybiracca z toj jamy, kudy PEN dziesiać hod spaŭzaŭ. Hatovy dapamahčy.
Treba uprošvać viarnucca ŭ PEN Lavona Barščeŭskaha, Andreja Dyńko, Alesia Ancipienku, Hleba Łabadzienku, Natałku Charytaniuk, Siamiona Bukčyna dy inšych hodnych ludziej», — skazaŭ Pavieł Sieviaryniec.
Nahadajem, 29 listapada stała viadoma, što ź biełaruskaha PEN-Centra vyklučyli Paŭła Ancipava, jaki ŭ 2013-2019 hadach byŭ pieršym namieśnikam staršyni arhanizacyi.
Jašče ŭ 2016 hodzie Ancipaŭ vypuściŭ knihu, u jakoj davoli rezka prajšoŭsia pa zakuliśsi biełaruskich litaraturnych premij.
Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka2
Kamientary