30 listapada — Fiestyval Uładzimira Karatkieviča ŭ Smalanach i Oršy
Aršanskaja filija Tavarystva biełaruskaj movy i Biełaruski PEN-Centr zaprašajuć na «vandroŭny» Fiestyval Uładzimira Karatkieviča, jaki sioleta projdzie ŭpieršyniu ŭ Smalanach i Oršy 30 listapada.
Vas čakaje čarada kulturnickich padziej, u jakich voźmuć udzieł dziejačy kultury z usioj krainy, ale najpierš tvorcy z Aršanščyny. Fiestyval prymierkavany da dnia naradžeńnia horača lubimaha biełarusami kłasika XX stahodździa, jakoje śviatkujecca 26 listapada. Ekskursii, hutarki pra tvorčuju spadčynu Karatkieviča, vieršy, proza, śpievy i vydatnyja knižki dla ŭsich achvočych dałučycca!
Raskład padziej:
10:00 — ekskursija pa Smalanach ad krajaznaŭca Viktara Miaževiča.
Bałotny zamak Bieły Koviel, ruiny Daminikanskaha kaścioła i klaštara, carkva Śviatoha Spasa (draŭlanaje baroka). Pramova Iryny Dubianieckaj na mahile Tamaša Zana.
Zbor a 10-j u Smalanach na centralnaj płoščy (kala daminikanskich ruinaŭ).
14:30 — ekskursija pa Oršy Uładzimira Karatkieviča ad piśmieńnicy Paliny Kačatkovaj.
Ahlad Domu Karatkieviča, jaki budzie adkryty dla publiki ŭ dzień fiestyvalu.
Zbor ad 14:15 na Aršanskim «nulavym kiłamietry» (pačatak vulicy Karatkieviča).
17:00 — 20:00 — litaraturna-muzyčnaja impreza.
Uładzimir Arłoŭ, Nasta Kudasava, Taćciana Niadbaj, Andrej Chadanovič, Źmicier Dziadzienka dy inšyja. Pieśni Sieržuka Doŭhušava na vieršy Karatkieviča.
Kaviarnia «Zamkavaja» ŭ budynku jezuickaha kalehiuma (vuł. Lenina, 6a, Orša).
Usie padziei — biaspłatnyja.
U prahramie mahčymyja dapaŭnieńni i siurpryzy. Sačycie za abviestkami!
Pačas imprezy možna budzie nabyć pa pryvabnych cenach knihi jak kłasikaŭ, tak i sučasnych biełaruskich aŭtaraŭ u «Vandroŭnaj kniharni «Łohvinava» i kramie «Akademkniha».
U luby čas hetyja, a taksama inšyja novyja vydańni i biestsielery možna nabyć u kniharni «Akademičnaja kniha» (pr. Niezaležnaści, 72).
RUP «Akademičnaja kniha» UNP 101462648
Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka2
Kamientary