16 kastryčnika Sajuz biełaruskich piśmieńnikaŭ zaprašaje amataraŭ skandynaŭskaj litaratury na sustreču z šviedskimi haściami. U Dziaržaŭnym muziei historyi biełaruskaj litaratury (Minsk, vuł. Bahdanoviča, 13) projdzie sustreča ź dziciačaj piśmieńnicaj Hretaj Rutbiol i paetam i ramanistam Jorhienam Hasileŭski. Akramia pytańniaŭ ułasnaj tvorčaści, hości raspaviaduć pra dziejnaść Šviedskaha sajuza piśmieńnikaŭ, u kiraŭnictva jakoha jany ŭvachodziać.
Hreta Rutbiol (n.1956), staršynia Šviedskaha sajuza piśmieńnikaŭ: »Litaraturnaja ahiencyja piša pra mianie tak: «Hreta Rutbiol doŭhija hady pracavała śpiavačkaj, a ciapier piša dziciačuju litaraturu, śpiecyjalizujučysia na vieršach-pieśniach i papularnych dziciačych encykłapiedyjach. Daścipnaść i aryhinalnaść — adznaki jaje firmovaha stylu». Ale pačynała ja z ramanu, tady mnie było dvaccać piać. Ciapier ja — aŭtarka tryccaci knižak dla dziaciej. Ja pierakananaja, što my možam raspaviadać dzieciam pra ŭsie aśpiekty rečaisnaści, najvažniejšaje pytańnie ŭ tym, jak heta rabić. Śmierć — adna sa źjavaŭ, pra jakuju my abaviazany kazać taksama».
Jorhien Hasileŭski (n.1961), siabra Rady Šviedskaha sajuza piśmieńnikaŭ.
Jorhien Hasileŭski pačynaŭ jak muzyka i mastak, ale z 1980-ch pierajšoŭ na paeziju i prozu. U svaich dziesiaci paetyčnych knihach jon šukaje ŭłasny sposab samavyjaŭleńnia naŭzboč sposabaŭ tradycyjnych. Jahony apošni pa časie raman Hastigheten («Chutkaść») pryśviečany źvierstvam padčas hienacydu ŭ Ruandzie ŭ 1994 hodzie. Asnoŭnyja pytańni tut, chto maje prava pisać pra heta, čym my musim kiravacca i jak my pavinny pra heta pisać. Heta hałoŭnyja estetyčnyja vykliki dla sučasnaj litaratury, na jakich jon chacieŭ by spynicca.
- Miesca: Dziaržaŭny muziej historyi biełaruskaj litaratury (Minsk, vuł. Bahdanoviča, 13)
- Čas: 16 kastryčnika, 19:00.
- Uvachod volny!
Ciapier čytajuć
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń82
Kamientary