Bolš za 100 dobraachvotnikaŭ uziali siońnia ŭdzieł u «akcyi pa ŭborcy i dobraŭparadkavańni Kurapataŭ», paviedamiŭ žurnalistam pieršy sakratar Minskaha abłasnoha kamiteta BRSM Kirył Šyk, pieradaje BiełTA.
Čytajcie taksama: U Kurapatach źnieśli mietaličnyja kryžy, što stajali ŭzdoŭž MKAD
«Naša zadača — prybrać śmiećcie i halinki, pačyścić i dobraŭparadkavać terytoryju paśla zimy. Siońnia tut pracujuć bolš za 100 čałaviek, ź ich kala 40 pradstaŭnikoŭ našaj arhanizacyi (pracoŭnaja moładź, studenty i navučency kaledžaŭ). Padobnyja akcyi BRSM prachodziać paŭsiudna: my dobraŭparadkoŭvajem i «Kurhan Słavy», i «Chatyń», i rehijanalnyja brackija mahiły — usie terytoryi, dzie patrebna vałanciorskaja dapamoha», — raspavioŭ Kirył Šyk.
«Heta naša tradycyjnaja akcyja pierad Vialikadniem i Radaŭnicaj, — adznačyŭ u svaju čarhu staršynia Minskaha abłasnoha abjadnańnia prafsajuzaŭ Viktar Malinoŭski. — Fiederacyja prafsajuzaŭ brała ŭdzieł va ŭstaloŭcy pamiatnaha znaka, i ŭ cełym my rehularna pracujem u Kurapatach, navodzim paradak, kab čałaviek moh pryjści siudy i ŭspomnić pra toje, što adbyłosia».
U subotniku pa ŭborcy i dobraŭparadkavańni terytoryi Kurapataŭ uziali taksama ŭdzieł pradstaŭniki respublikanskaha hramadskaha abjadnańnia «Biełaja Ruś», Biełaruskaha tavarystva Čyrvonaha Kryža, vieteranskich arhanizacyj.
-
VIP-zała, fudkorty i płanietaryj. Najstarejšy kinateatr Mahilova ŭ styli kanstruktyvizmu zakryli na rekanstrukcyju
-
Departavanaj ź Biełarusi žycharcy Hviniei viarnuli dačku, jakuju trymali ŭ dziciačym domie ŭ Miensku
-
Zorku alimpijad sa Śvietłahorska asudzili za «sadziejničańnie ekstremisckaj dziejnaści»
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary