Pierad Minskaj knižnaj vystavaj vydaviectva «Januškievič» vypuściła ŭ śviet ažno 6 navinak, jakija zdolnyja zadavolić husty luboha čytača.
Kadzua Isihura. Nie adpuskaj mianie
Pierakład z anhlijskaj Hanny Jankuty.
«Nie adpuskaj mianie» — raman viadomaha brytanskaha piśmieńnika, łaŭreata Nobieleŭskaj premii 2017 hoda Kadzua Isihura. Pavodle viersii aŭtarytetnaha časopisa «Time», uvajšoŭ u lik sta najlepšych anhłamoŭnych ramanaŭ za apošniaje stahodździe.
U elitnaj škole-internacie Chejłšem vychoŭvajucca dzieci, u jakich pa-za jaho ścienami nikoha niama. A jość bahataja Madam, jakaja i apiakujecca Chejłšemam. Tolki škoła akazvajecca niezvyčajnaj: u joj hadujuć donaraŭ orhanaŭ dla chvorych ludziej. I vychavancy — zusim nie prostyja dzieci…
Raman «Nie adpuskaj mianie» vyjšaŭ u nobieleŭskaj sieryi «Noblesse Oblige». Raniej pabačyli śviet «Stambuł» Archana Pamuka, «Kachańnie padčas chalery» Habryjela Harsii Markiesa, «Śmierć u Vieniecyi» Tomasa Mana.
Andžej Maleška. Čyrvonaje kresła
Pierakład z polskaj Maryny Šoda.
Apovieść z cykłu biestsieleraŭ «Mahičnaje dreva».
Niezvyčajnyja pryhody, niebiaśpiečnyja zdareńni i mahičnyja pieraŭvasableńni… Most sa śviatła i vializnaja cunami. Latajučy dom, hihancki leŭ i sto začaravanych sabačak! Čaroŭnaja historyja pra kresła, jakoje vykonvaje lubyja žadańni. I dobryja, i kiepskija…
Hetaja apovieść atrymała ŭ Polščy samyja prestyžnyja premii dla maładych čytačoŭ i da hetych por bje rekordy pa prodažach.
Sieryja knih «Mahičnaje dreva» stała asnovaj dla suśvietna viadomaha cykłu padletkavych filmaŭ, jaki atrymaŭ za fantaziju, mudraść i humar u ZŠA prestyžnuju premiju «Emi».
Andžej Maleška — režysior, aŭtar knih i kinascenaryjaŭ. Jon atrymaŭ mnostva ŭznaharod na mižnarodnych fiestyvalach. Jaho tvory nasyčany fantastyčnymi pryhodami i adnačasova jany adkazvajuć na važnyja pytańni.
Džejn Osten. Pycha i pieraduziataść
Pierakłała z anhlijskaj Hanna Jankuta.
«Pycha i pieraduziataść» — druhi raman anhlijskaj piśmieńnicy Džejn Osten (1775—1817), jaki vyjšaŭ u 1813 hodzie, adzin z samych papularnych u śviecie tvoraŭ anhlijskaj litaratury. Paŭpłyvaŭ na raźvićcio žanru luboŭnaha ramana i zrabiŭsia adnym z samych jarkich jaho ŭzoraŭ. Vyłučajecca niepaŭtornaj ostenaŭskaj ironijaj i moža ličycca encykłapiedyjaj žyćcia drobnapamiesnaha anhlijskaha dvaranstva na miažy ChVIII i XIX stahodździaŭ.
Ramen Hary. Abiacańnie na dośvitku
Pierakład s francuzskaj Volhi Kołas.
Praŭdzivaja historyja ad adnaho z najlepšych francuzskich ramanistaŭ druhoj pałovy 20 stahodździa. Imia, achutanaje lehiendami i mistyfikacyjami. Adziny piśmieńnik, jaki dvojčy atrymaŭ Hankuraŭskuju premiju — samuju prestyžnuju litaraturnuju ŭznaharodu ŭ Francyi.
Ramen Hary zhadvaje svajo dziacinstva ŭ Vilni i Varšavie, junactva ŭ Nicy, maładość u Afrycy i Anhlii padčas Druhoj suśvietnaj vajny. Jon robić usio, kab vykanać abiacańnie i apraŭdać matčynu samaachviarnaść i biaźmiežnuju luboŭ. Maci vieryła, što adnojčy jejny syn budzie francuzskim ambasadaram, kavaleram Ordena Hanarovaha lehijona, znakamitym piśmieńnikam. Usie praroctvy ździejśnilisia.
Źmicier Višnioŭ. Kali pryhledziecca — Mars sini
Paśla vaśmihadovaha pierapynku Źmicier Višnioŭ napisaŭ novy vialiki prazaičny tvor, jakomu nakanavana stać siensacyjaj. Jahony «antyraman» — sapraŭdny himn svabodzie. Paralelnyja suśviety rušać chvalami — u hetym varyvie ŭźnikajuć siłuety: kapitana Barady, Majkła Kryvoha, Stalina, Don Kichota, Pinokia, Karłsana, hnomaŭ i tajemnych kurdupielaŭ. Aŭtar łaviruje pamiž handlarom, fokuśnikam i arbitram, viadzie biaskoncy dyjałoh z hałavoj, ciešycca i pluchajecca ŭ kosmasie svaich pačućciaŭ.
Ida Linde. Pajechać na poŭnač, kab pamierci.
Pierakład sa šviedskaj Natalli Pavalajevaj.
Padziei ramana viadomaj šviedskaj piśmieńnicy Idy Linde «Pajechać na poŭnač, kab pamierci» razhortvajucca ŭ paŭnočnaj Šviecyi Jon pačynajecca jak kryminalnaja drama z varyjacyjaj kłasičnaha siužeta pra Boni i Kłajda — i praciahvajecca jak fiłasofskaje razvažańnie pra rolu vypadku ŭ našym žycci; pra toje, što trahiedyja moža złamać čałavieka, a moža nadać jamu siły pačać «novuju eru» u svaim žycci.
Usie vydańni ciaham bližejšaha tydnia možna nabyć tolki ŭ vydavieckaj internet-kniharni.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary