Łukašenka vyklučyŭ 24 hiektary z łandšaftnaj zony ŭ Navinkach dziela budaŭnictva šmatpaviarchovak
Na Nacyjanalnym pravavym partale apublikavany ŭkaz prezidenta №29, jaki vyklučaje 24 hiektary ziamli z łandšaftna-rekreacyjnaj zony ŭ rajonie Navinak. Robicca heta dziela budaŭnictva šmatpaviarchovak i škoły. Što mienavita heta za ziamla i što na joj ciapier — u materyjale tut.by.
Novy ŭkaz unosić źmieny ŭ hienieralny płan Minska. Zhodna z dakumientam, u rajonie vulicy Paliny Miadziołki z łandšaftna-rekreacyjnaj zony (typ ŁR **) vyklučajecca 24 hiektary ziamli, jakaja pierachodzić u skład zony źmiašanaj žyłoj zabudovy šmatkvaternaha i siadzibnaha typu. U pryvatnaści, na hetaj terytoryi pabudujuć šmatkvaternaje žyllo z paramietrami vysakaščylnaj zabudovy (ad 6 da 7,6 tysiač «kvadrataŭ» na hiektar) i škołu.
Ale nakolki kaštoŭnuju ziamlu vyklučać z łandšaftna-rekreacyjnaj zony?
Tak, zhodna z rehłamientam hienpłana, razhladanaja nami zona ŁR ** — heta raźmieščanaja ŭ haradskoj miažy sielskahaspadarčaja terytoryja, jakaja reziervujecca dla pierśpiektyŭnaha raźvićcia horada paśla 2030 hoda. Zaraz tut raście jak burjan (bližej da vulicy Miadziołki), tak i sielhaskultury (bližej da Cniancy).
Miarkujučy pa ŭkazie, asvojać hetuju terytoryju vidavočna raniej za 2030 hod.
Adznačym, što ziamlu nasuprać aktyŭna zabudoŭvała UKB Centralnaha rajona, kiraŭnictva jakoha ŭ kancy hoda trapiła pad krytyku Alaksandra Łukašenku za toje, što kala 60 kvater pa 600-800 dalaraŭ na Vyhockaha skupili «adzin ci dva kurnosyja». Učastak pad budaŭnictva UKB vydzialaŭsia pa rašeńni kiraŭnika dziaržavy.
Kamientary