U čaćvier u Bruseli adbyłasia sustreča vysokaha pradstaŭnika ES pa zamiežnych spravach i palitycy biaśpieki, vice-prezidenta Jeŭrapiejskaj kamisii Fiederyki Mahieryni ź ministram zamiežnych spraŭ Uładzimiram Makiejem, paviedamlaje Pradstaŭnictva ES u Biełarusi.
Jany abmianialisia mierkavańniami ab supracoŭnictvie ES i Biełarusi i dziejnaści pa vynikach Samita Uschodniaha partniorstva, jaki adbyŭsia ŭ Bruseli ŭ listapadzie minułaha hoda. Jany abmierkavali blizki da zaviaršalnaha stan spraŭ što da pieramovaŭ pa novych, indyvidualna raspracavanych pryjarytetach partniorstva ES i Biełaruśsi i damovilisia paskoryć chutkaje zaviaršeńnie hetych pieramovaŭ, što stała b važnym budaŭničy błokam dla dvuchbakovych adnosinaŭ, u tym liku datyčna finansavaj dapamohi.
Sustreča taksama dała mahčymaść abmierkavać pravy čałavieka i asnoŭnyja svabody. Vysoki pradstaŭnik, vice-prezident paćvierdziła, što realnyja kroki Biełarusi ŭ nakirunku zabieśpiačeńnia ŭsieahulnych pravoŭ čałavieka, u tym liku što da vykarystańnia śmiarotnaha pakarańnia, źjaŭlajucca klučavymi dla farmiravańnia budučych adnosin. U suviazi z paviedamleńniami pra novyja vypadki pakarańnia śmierciu ŭ Biełarusi i śmiarotnyja prysudy, pakinutyja ŭ sile Viarchoŭnym sudom, Fiederyka Mahieryni padkreśliła pryčyny rašučaha i adnaznačnaha nieprymańnia Jeŭrapiejskim sajuzam śmiarotnaha pakarańnia pry lubych abstavinach i važnaść taho, kab Biełaruś uviała maratoryj na śmiarotnaje pakarańnie ŭ jakaści pieršaha kroku da jaho admieny.
Vysoki pradstaŭnik i ministr taksama abmierkavali nieabchodnaść poŭnaj prazrystaści i supracoŭnictva ŭ pytańniach jadziernaj biaśpieki, u pryvatnaści, u dačynieńni da budaŭnictva novaj atamnaj elektrastancyi ŭ Astraŭcy.
Vysoki pradstaŭnik Mahieryni znoŭ paćvierdziła, što Jeŭrapiejski sajuz prychilny zabieśpiačeńniu stabilnaj, demakratyčnaj i zamožnaj budučyni Biełarusi na karyść jaje naroda i budzie praciahvać pracavać z usimi zacikaŭlenymi bakami dla dasiahnieńnia hetaj mety. ES pačynaje pieršuju ahulnanacyjanalnuju kamunikacyjnuju kampaniju, zasiarodžvajučy ŭvahu na stanoŭčych vynikach supracoŭnictva ES i Biełarusi dla biełarusaŭ i raspaviadajučy pra kankretnyja vyniki prajektaŭ u halinie ekanamičnaha raźvićcia, enierhaefiektyŭnaści i achovy zdaroŭja, što ažyćciaŭlajucca pry finansavaj padtrymcy ES.
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary