Siryja śćviardžaje, što pa avijabazie M-4, raźmieščanaj na ŭschodzie pravincyi Choms, byŭ naniesieny rakietny ŭdar. Paviedamlajecca, što siły PVA Siryi źbili ŭsie rakiety. Damask śćviardžaje, što rakiety prylacieli cieraz terytoryju Livana z boku Mižziemnaha mora.
«U hety momant Ministerstva abarony nie ažyćciaŭlała nijakich udaraŭ u Siryi, ale my praciahvajem pilna sačyć za raźvićciom padziej», — zajavili ŭ Pientahonie.
Pakul niama paćvierdžańnia ź niezaležnych krynic, ci sproba rakietnaha ŭdaru sapraŭdy mieła miesca, ci heta kačka siryjskaj prapahandy.
Učora prezident ZŠA Donald Tramp raskrytykavaŭ Rasiju i Iran za padtrymku Siryi, dzie, mahčyma, adbyłasia jašče adna chimičnaja ataka.
«Šmat zahinułych, u tym liku žančyn i dziaciej, u biessensoŭnaj chimičnaj atacy ŭ Siryi», — napisaŭ Tramp ŭ svaim akaŭncie ŭ Twitter, adznačyŭšy, što terytoryja, na jakoj adbyłasia chimičnaja ataka, zabłakavanaja i akružanaja siryjskaj armijaj. Zaraz zona paražeńnia chimičnaj zbrojaj «całkam niedastupnaja dla źniešniaha śvietu».
«Prezident [Uładzimir] Pucin, Rasija i Iran adkaznyja za padtrymku žyvioły [Bašara] Asada. Pryjdziecca zapłacić vialikuju canu», — napisaŭ amierykanski prezident.
Jon zapatrabavaŭ «nieadkładna» adkryć terytoryju dla akazańnia miedycynskaj dapamohi paciarpiełym i paćvierdžańnia vykarystańnia chimičnaj zbroi. «Jašče adna humanitarnaja katastrofa bieź jakoj-niebudź pryčyny. Žachliva!» — napisaŭ Tramp.
U noč na niadzielu aktyvisty i Siryjska-amierykanskaje miedycynskaje tavarystva (SAMS) paviedamili ab užyvańni siryjskaj avijacyjaj bombaŭ z chłarynam u horadzie Duma, jaki kantralujecca apazicyjaj. Pa ich dadzienych, achviarami chimičnaj ataki stali jak minimum 49 čałaviek, paviedamlaŭ Reuters.
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary