Jeŭrapiejski viaščalny sajuz (JEVS) zaćvierdziŭ pieršapačatkovy varyjant pieśni Forever, ź jakoj ukrainski śpiavak Alekseev pradstavić Biełaruś na «Jeŭrabačańni 2018». Pra heta paviedamiŭ u svaim efiry kanał «Biełaruś-1».
Mienavita z hetaj kampazicyjaj byŭ źviazany hałoŭny skandał nacadboru. Na dumku aŭtaraŭ lista, jaki była hatova padpisać častka finalistaŭ nacyjanalnaha adboru, kampazicyja Forever, ź jakoj źbiraŭsia vystupać Alekseev, — heta viersija ruskamoŭnaj pieśni «Navsiehda», tolki pierakładzienaja na anhlijskuju movu, trochi pieraaranžyravanaja i skaročanaja. Kamanda Alekseeva dakazvała, što havorka idzie pra dva samastojnyja tvory.
Na pieršym etapie nacyjanalnaha adboru śpiavak vykanaŭ pieršy varyjant pieśni. Ale Biełteleradyjokampanija rekamiendavała vykanaŭcu źmianić miełodyi Forever. Kamanda śpievaka zrabiła heta, paśla čaho jurydyčnych pretenzij da Alekseev nie zastałosia. U vyniku ŭ finale nacyjanalnaha adboru prahučaŭ druhi, źmienieny varyjant pieśni.
JEVS pravieryła pieršapačatkovuju viersiju pieśni Forever, jakaja vyklikała sprečki. Jeŭrapiejskija čynoŭniki pryjšli da vysnovy, što havorka išła pra absalutna samastojny tvor. Tamu jany dazvolili ŭkrainskamu vykanaŭcu pradstavić u Lisabonie pieršy varyjant svajoj pieśni, jaki vyklikaŭ takija pratesty ŭ inšych biełaruskich vykanaŭcaŭ.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ14
Kamientary