Hałoŭny inžynier Minskaha zavoda kołavych ciahačoŭ Andrej Hałavač byŭ zatrymany ŭ mai 2015 hoda. Siońnia Sud Frunzienskaha rajona Minska apraŭdaŭ inžyniera, ale jon byŭ adrazu ž zatrymany pa novaj spravie.
Pa viersii śledstva, jon, a taksama načalnik kanstruktarskaha biuro i namieśnik načalnika instrumientalna-štampavoha kiravańnia MZKC atrymlivali chabary za sadziejničańnie pry pastaŭkach na adzin z zavodaŭ. Usiaho śledstva vyjaviła 80 epizodaŭ atrymańnia chabaru, Andreju Hałavaču inkryminavali atrymańnie bolš čym 180 tysiač denaminavanych rubloŭ.
Rasśledavańnie praciahvałasia amal dva hady. U sakaviku 2017-ha Andrej Hałavač byŭ asudžany pa č. 3 art. 430 KK (Atrymańnie chabaru ŭ asabliva bujnym pamiery) na 8 hadoŭ kałonii ŭzmocnienaha režymu z kanfiskacyjaj majomaści.
Siońnia Sud Frunzienskaha rajona Minska abviaściŭ apraŭdalny prysud 56-hadovamu hałoŭnamu inžynieru, ale adrazu ž jon byŭ zatrymany pa novaj spravie.
Jaho zatrymali supracoŭniki hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj, paviedamlaje pres-słužba MUS.
Jaho znoŭ padazrajuć u atrymańni chabaru ŭ asabliva bujnym pamiery. Za mahčymaść ažyćciaŭleńnia pastaŭki dla patreb pradpryjemstva abstalavańnia koštam bolš za $20 miljonaŭ mužčyna nibyta atrymaŭ ad ich chabar u pamiery $70 tysiač.
Hałoŭnaje śledčaje ŭpraŭleńnie Śledčaha kamiteta pa hetym fakcie raspačała kryminalnuju spravu pa č. 3 art. 430 KK. Zatrymanamu pahražaje da 15 hadoŭ pazbaŭleńnia voli.
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary