Były kiraŭnik maskoŭskaj antydopinhavaj łabaratoryi Hryhoryj Rodčankaŭ raspavioŭ ab dačynieńni prezidenta Rasii Uładzimira Pucina da dopinhavaj sistemy ŭ jaho krainie, paviedamlaje šviedski kanał SVT.
— Viadoma, usie zahady išli źvierchu, ad prezidenta. Tolki prezident moža prymusić FSB vykonvać takija zadačy. Mutko niejak skazaŭ mnie, što Pucin vielmi dobra viedaje, chto ja taki. Pucin viedaŭ naohuł pra ŭsio.
Łancužok byŭ vielmi prosty, dadaŭ jon. Rodčankaŭ davaŭ spravazdaču pierad Nahornych, Nahornych pierad Mutko, jaki ŭ svaju čarhu dakładvaŭ niepasredna Pucinu.
Juryj Nahornych tady źjaŭlaŭsia pieršym namieśnikam ministra sportu Rasii Vitala Mutko. Raniej Mižnarodny alimpijski kamitet pažyćciova adchiliŭ ich ad udziełu ŭ alimpijskim ruchu. Zaraz Nahornych pracuje ŭ adnoj sa struktur śpiecyjalnych słužbaŭ RF, a Mutko staŭ vice-premjeram Rasii.
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava8
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4848
Kamientary