Supracoŭniki AMAPa ŭziali šturmam dom i zatrymali žychara Baranavičaŭ, jaki pahražaŭ uzarvać hazam adnapaviarchovy šmatkvaterny dom.
50-hadovy mužčyna patelefanavaŭ u dziažurnuju častku, i paviedamiŭ, što nieviadomyja jamu ludzi patrabujuć u jaho 150 rubloŭ. Akramia hetaha, ź jaho telefona va ŭsie ekstrannyja słužby Baranavičaŭ pastupiła 25 zvankoŭ z roznaha rodu pahrozami. Mužčyna taksama zajaviŭ, što puściŭ u kvateru haz i pahražaŭ padarvać dom.
«Na miesca zdareńnia nieadkładna byŭ nakiravany bližejšy narad milicyi. Pa prybyćci pravaachoŭnikaŭ mužčyna dźviery nie adčyniŭ. U razmovie z supracoŭnikami milicyi jon pavodziŭ siabie nieadekvatna, vykazvaŭ namiery ździejśnić suicyd», - raspaviali va UUS Bresckaha abłvykankama.
11 žycharoŭ doma byli evakujavanyja, avaryjnyja słužby adklučyli elektryčnaść i haz, paśla čaho milicyja pajšła na šturm. Mužčynu zatrymali i pavieźli ŭ mašynie chutkaj dapamohi. Mužčyna žyŭ adzin i złoŭžyvaŭ śpirtnymi napojami.
Kamientary