Paŭnočnaja Kareja nie zacikaŭlenaja ŭ pieramovach z ZŠA, «jakija stali kazłom adpuščeńnia mižnarodnaj supolnaści», havorycca ŭ artykule, apublikavanym drukavanym orhanam Pracoŭnaj partyi Karei, hazietaj «Nadon sinmun». Artykuł azahałoŭleny «Naša jadziernaje strymlivańnie nie moža być pradmietam handlu».
«Pakul my nie pazbavimsia ad fundamientalnych prablem nakštałt varožaj palityki ZŠA i jadziernaj pahrozy, što sychodzić ad jaho, my nie vyniesiem na pieramovy pytańni jadziernaj i rakietnaj prahram», — havorycca ŭ artykule. Pchieńjanu nieabchodna jadziernuju zbroju dla abarony svajho suvierenitetu, vyžyvańnia naroda i «mižnarodnaj spraviadlivaści», padkreślivajecca ŭ paviedamleńni. Taksama hazieta piša, što dziaržsakratar ZŠA Reks Tylersan sprabuje pierakłaści na Paŭnočnuju Kareju adkaznaść za abvastreńnie na Karejskim paŭvostravie. «My možam razhladać heta tolki jak sprobu zakłaści padmurak dla manipulavańnia Rady Biaśpieki AAN dla pryniaćcia «sankcyjnych rezalucyjaŭ», - zajavili ŭ Pchieńjanie.
U KNDR ličać, što ZŠA varta admovicca ad varožaha ŭsprymańnia Paŭnočnaj Karei i mirna suisnavać ź joj jak z krainaj, jakaja vałodaje jadziernaj zbrojaj.
Kamientary