U Viciebsku miniven źbiŭ dziaciej na piešachodnym pierachodzie
Adno dzicia špitalizavana ŭ vyniku DTZ na praśpiekcie Pieramohi ŭ Viciebsku, dzie dva školniki trapili pad aŭtamabil na nierehulavanym piešachodnym pierachodzie.
DTZ adbyłosia viečaram 1 žniŭnia. Sa słoŭ adnaho z paciarpiełych chłopčykaŭ, jakija cytuje supołka «Ukantakcie» «Typovy Viciebsk», chłopcy ŭdvaich pierabiahali prajeznuju častku pa piešachodnym pierachodzie. Dva aŭtamabili spynilisia pierad «ziebraj», a miniven «Kia Joice», jaki ruchaŭsia ŭ krajniaj levaj pałasie, nie zatarmaziŭ.
Dapamohu chłopčyku, u jakoha była raźbitaja hałava, akazali vidavočcy i ludzi, jakija jechali ŭ «Kia». Śviedki DTZ spynili «chutkuju», jakaja prajazdžała mima.
«Dla bolš detalovaha ahladu i acenki fizičnaha stanu pieršaha chłopčyka dastavili ŭ balnicu, druhoha ŭračy ahledzieli na miescy i adpuścili. Pa hetym fakcie pravodzicca pravierka, vyśviatlajucca vidavočcy», - paviedamiŭ ŚMI načalnik adździaleńnia ahitacyi i prapahandy DAI UUS Viciebskaha abłvykankama Alaksandr Kaziučyc.
Kamientary