Biełaruska-francuzski kancert, pryśviečany 111-hodździu z dnia naradžeńnia kampazitara Dźmitryja Šastakoviča, 30 lipienia projdzie ŭ kaściole Śviatoha Apostała Andreja ŭ vioscy Narač Miadzielskaha rajona, paviedamili arhanizatary.
Tradycyja praviadzieńnia ŭ Miadzielskim rajonie kancertaŭ, pryśviečanych Dźmitryju Šastakoviču, była zakładziena ŭ minułym hodzie, kali ŭ kaściole Najśviaciejšaj Dzievy Maryi ŭ vioscy Šemietava adbyłosia vystupleńnie biełaruskich muzykantaŭ, pryśviečanaje 110-hodździu z dnia naradžeńnia kampazitara.
Šemietava nievypadkova było vybrana dla kancerta da jubilejnaj daty Dźmitryja Šastakoviča (1906—1975): mienavita tut žyŭ jaho pradzied Piotr Šastakovič (1808—1871). Kali pieršy raz na kancercie ihrali muzykanty Biełdziaržakademii muzyki, to sioleta da ich dałučycca viadomy francuzski habaist Žerom Hišar, jaki pryjedzie z Paryža i budzie vystupać u kancercie dla haboja i strunnych.
Biełaruska-francuzski muzyčny prajekt realizujecca na hramadskich pačatkach. Inicyjataram i hałoŭnym arhanizataram mierapryjemstva staŭ francuz biełaruskaha pachodžańnia, jeŭrapiejski opierny śpiavak, prezident francuzskaj asacyjacyi «Abmien: Francyja—Biełaruś» Arkadź Vaładoś, jaki źjaŭlajecca prychilnikam tvorčaści Dźmitryja Šastakoviča. Naš suajčyńnik niekalki hadoŭ pracavaŭ nad inicyjatyvaj arhanizacyi takoha prajekta, kali daviedaŭsia, što karani pradzieda najvialikšaha kampazitara XX stahodździa — u Biełarusi. Zasłuhi Arkadzia Vaładosia ŭ raspaŭsiudžvańni biełaruskaj kultury za miažoj vysoka acenieny — jon uznaharodžany miedalom Francyska Skaryny. Jaho syn — taksama Arkadź Vaładoś — adzin z samych znakamitych i virtuoznych pijanistaŭ śvietu.
Ciapier čytajuć
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami19
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2323
Kamientary