Try ź piaci deputataŭ u delehacyi Jeŭraparłamienta ŭ Biełaruś naležać da prarasijskich ruchaŭ Bałtyi
18—19 lipienia ŭ Minsku budzie znachodzicca delehacyja Jeŭraparłamienta. Na čale jaje staić palak Bohdan Zdrajeŭski, jaki ŭvachodzić u frakcyju Jeŭrapiejskaj narodnaj partyi. Ale, što cikava, try ź piaci ŭdzielnikaŭ delehacyi naležać da prarasijskich partyj krain Bałtyi.
U delehacyju ŭvachodzić Taćciana Ždanok z Łatvii — jana ŭvachodzić u frakcyju Zialonych, ale ŭ Łatvii zajmała radykalnyja prarasijskija pazicyi ŭ ramkach ruchu «Za pravy čałavieka ŭ adzinaj Łatvii» (Zapčieł).
Inšy siabar delehacyi — taksama z Łatvii, Andrej Mamykin ź levacentrysckaj partyi «Zhoda», što reprezientuje intaresy pieravažna rasiejskamoŭnaha nasielnictva.
I treci delehat — Valdemar Tamašeŭski z Vybarčaj akcyi palakaŭ Litvy. Jahonaja struktura dziejničaje ŭ sajuzie z arhanizacyjami rasiejskaj mienšaści i maje niaprostyja adnosiny z uładami Litvy.
Narešcie, piaty delehat — chryścijanski demakrat z Hiermanii Michael Haler.
Delehacyja maje adbyć sustrečy va ŭradzie i parłamiencie, a taksama z pradstaŭnikami hramadzianskaj supolnaści i apazicyi.
Jeŭraparłamient nie maje niepasrednaha ŭpłyvu na rašeńni krain ES ci biahučuju dziejnaść Jeŭrakamisii, ale adyhryvaje istotnuju kansultatyŭnuju i simvaličnuju rolu.
Ciapier čytajuć
Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka3
Kamientary