Na samicie ŭ Bruseli kiraŭniki jeŭrapiejskich krain padtrymali inicyjatyvu Francyi i Hiermanii pa raspracoŭcy supolnaj abaronnaj palityki. Pryniali rašeńnie, što schiema takoj palityki maje być akreślenaja ciaham troch miesiacaŭ.
Francyja i Hiermanija źbirajucca pajści ŭ intehracyi Uzbrojenych siłaŭ navat dalej, paviedamlaje EUObserver.
Emaniuel Makron nazvaŭ hety krok histaryčnym, a kanclerka Niamieččyny Anhieła Mierkiel zajaviła, što novyja struktury buduć dapaŭniać NATA.
Z krain ES ustrymajucca ad udziełu ŭ novaj inicyjatyvie Irłandyja — jakaja trymajecca niejtralitetu, a taksama Danija, što tradycyjna nie ŭdzielničaje ŭ jeŭraprajektach palityčnaha i biaśpiekavaha płana.
Jak miarkujecca, płany buduć datyčyć intehracyi vajskova-pramysłovaha kompleksu, abjadańnia namahańniaŭ u śfiery raspracoŭki novych technałohij uzbrajeńniaŭ i stvareńnia intehravanych kantynhientaŭ dla vykanańnia zadač za miežami Jeŭrasajuza.
Varta adznačyć, što reakcyjaj na Breksit stała rezkaje ŭzmacnieńnie prajeŭrapiejskich nastrojaŭ va ŭsich astatnich krainach Jeŭrasajuza.
Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka2
Kamientary