U vydaviectva «Limaryus» vychodzić Zbor tvoraŭ Uładzimira Duboŭki ŭ dvuch tamach. Heta samaje poŭnaje vydańnie napisanaha vydatnym piśmieńnikam: vieršy, paemy, proza, artykuły, listy.
U zbor tvoraŭ uklučany taksama pierakłady, u tym liku pierakłady sanietaŭ Uiljama Šekśpira, jakija ŭ svoj čas stali značnaj padziejaj u litaraturnym žyćci Biełarusi.
Ukłaŭ Zbor tvoraŭ Duboŭki supracoŭnik Nacyjanalnaj biblateki Biełarusi Dźmitryj Davidoŭski.
Kamientary da tvoraŭ pisali Davidoŭski i paet, historyk litaratury, kandydat fiłałahičnych navuk Viktar Žybul. Aŭtar pradmovy — taksama paet (a dakładniej — paetka) i kandydat fiłałahičnych navuk Iryna Bahdanovič.
Zbor tvoraŭ Uładzimira Duboŭki vychodzić u sieryi «Hałasy Ajčyny». Raniej u hetaj sieryi byli vydadzieny dvuchtomnik Łarysy Hienijuš, a taksama tamy paetaŭ-emihrantaŭ Alesia Sałaŭja, Uładzimira Dudzickaha i Janki Juchnaŭca.
Prezentacyja Zboru tvoraŭ Uładzimira Duboŭki adbudziecca 12 červienia ŭ halerei Tut.by (pr.Dziaržynskaha, 57, 9-ty pavierch). Heta budynak biznes-centru Omega Tower kala stancyi mietro «Michałova». Pačatak a 19-j.
Kniha vydadziena vyklučna dla padpisčykaŭ, ale na prezentacyju zaprašajucca ŭsie achvotnyja. Budzie śpiavać Aleś Kamocki, buduć hučać vieršy Duboŭki, vystupiać cikavyja ludzi, jakija majuć dačynieńnie da vydańnia.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj39
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary