U pytańni pačatku zaniatkaŭ u škołach hałoŭnym pavinna być zdaroŭje dziaciej. Pra heta Alaksandr Łukašenka zajaviŭ siońnia, naviedvajučy adnu ź minskich škoł.
«My pavinny vyznačycca, čaho my ad hetaha (pieranosu pačatku vučebnych zaniatkaŭ) chočam. Ja kazaŭ pra zdaroŭje dziaciej, pra narmalnaje ich samaadčuvańnie na ŭroku. Dla taho kab čałaviek zasvojvaŭ materyjał, jon pavinien dobra siabie adčuvać. Tamu mnie zdajecca, što tut meta — zdaroŭje dziaciej i zdolnaść zasvojvać materyjał», — zajaviŭ kiraŭnik dziaržavy.
Alaksandru Łukašenku była pradstaŭlena infarmacyja, zhodna ź jakoj 82,5% ustanoŭ ahulnaj siaredniaj adukacyi z 1 vieraśnia 2017 hoda buduć pačynać navučalnyja zaniatki z 9 ranicy. Z 8.30 ranicy vučoba budzie pačynacca ŭ 17,2% škoł i tolki ŭ 0,3% ustanoŭ - z 8 ranicy.
«My pramanitoryli. Tak, sapraŭdy, jość abjektyŭna škoły, jakija mohuć pačynać navučalnyja zaniatki z 9 ranicy. Heta, jak praviła, sielskija škoły i ŭstanovy adukacyi, jakija pracujuć u adnu źmienu», — paviedamiŭ ministr adukacyi Ihar Karpienka.
Pavodle jaho słoŭ, składanaści ŭźnikajuć u škoł, dzie navučalny praces arhanizavany ŭ dźvie źmieny, ale adpaviednyja pytańni vyrašajucca ŭ tym liku za košt niekatoraha skaračeńnia času pieramienak.
Ciapier čytajuć
Pamiatajecie niemaładoha aktyvista, jaki pa duraści źniaŭsia ŭ prapahandysckim kino BT? U Polščy jon ulapaŭsia jašče i ŭ špijanaž5
Kamientary