Vykładčyki «Instytuta matematyki i kibiernietyki» raskazali pra dopyt u DFR
Biełaruskamoŭnych vykładčykaŭ dakładnych navuk Paŭła Buku i Źmitra Kanaplanikava, jakich siońnia paśla vobšuku advieźli ŭ DFR, vypuścili paśla «ŭziaćcia tłumačeńniaŭ».
Nahadajem, jany źjaŭlajucca siabrami hramadskaj arhanizacyi «Instytut matematyki i kibiernietyki», jaki ładziŭ va Ukrainie zavočnuju padrychtoŭku prahramistaŭ pa-biełarusku.
«Śledčyja ŭvieś čas sprabavali spravakavać pytańniem: «Jak vy viadziecie adukacyjnuju dziejnaść?» — paviedamiŭ Buka karespandentu NN. — Davodziłasia ŭvieś čas tłumačyć, što adukacyjnaj dziejnaści ŭ Biełarusi my nie viadziem».
Kryminalnaj spravy suprać instytuta, jak jon zrazumieŭ sa słovaŭ śledčych, niama, adnak adznačaje, što siońniašnija dziejańni DFR byli vielmi arhanizavanyja: «Jany skiravali až try hrupy: u miesca, dzie my ładzim biaspłatnyja publičnyja lekcyi, da mianie dadomu i da Kanaplanika. Taksama, nakolki mnie viadoma, jany praviali hutarku z adnym sa studentaŭ». Padčas vobšukaŭ śledčyja vyniali vinčestery kampjuteraŭ i piačatku hramadskaj arhanizacyi. Dziejnaść instytuta časova paralizavanaja», — adznačyŭ Buka.
Instytut matematyki i kibiernietyki» raspracavaŭ adukacyjnuju prahramu dla biełaruskamoŭnaha navučańnia prahramistaŭ.
U Biełarusi, pavodle słovaŭ Paŭła Buki, mahčymaści dziejničać nie było, tamu jany damovilisia ź Mižnarodnym ekanamična-humanitarnym univiersitetam imia akademika Ściapana Dziemjančuka ŭ Roŭnie (Ukraina). Tam biełaruskamoŭnyja prahramisty vučacca asobnaj płyńniu.
Prahrama doŭžycca ŭžo try hady, štohod na jaje nabirajecca kala 15 zavočnikaŭ, jakija majuć atrymać aficyjny ŭkrainski dypłom.
Navučańnie dla ich u Roŭnie idzie pa-biełarusku, ahulnyja pradmiety, kštałtu historyi Ukrainy, čytajuć pa-ukrainsku.
«Kali z nami niešta zdarycca, dumaju, adzin ź instytutaŭ ci ŭniviersitetaŭ, ź jakimi my damaŭlalisia, zmoža padtrymać hetuju prahramu zamiest nas», — kaža Pavieł Buka.
-
Bolš za 13 tysiač minskich vypusknikoŭ sabrali na «Minsk-Arenie». Słuchali Lošu Śvika FOTY
-
«Nie bačyła nivodnaha smažanaha sabaku». Biełaruska raskazała, jak adpačyła ŭ Vjetnamie
-
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary