«Sovietskaja Biełoruśsija» dała adłup kiraŭniku Rasijskaha instytuta stratehičnych daśledavańniaŭ Rašetnikavu
«Sovietskaja Biełoruśsija» dała adkaz dyrektaru Rasijskaha instytuta stratehičnych daśledavańniaŭ Leanidu Rašetnikavu, jaki zajaviŭ, što «niezaležnaj Biełarusi być nie moža». Aŭtarskaja kałonka nazyvajecca «Pamyłka byłoha rezidenta».
«Niekalki słoŭ pra navatara i jaho instytut. … Niahledziačy na hučnuju nazvu, hety samy RISD — usiaho tolki adna z šmatlikich kantor, jakija niastomna zdabyvajuć biudžety na nieabsiažnaj nivie «analizu i sintezu». Tolki i ŭsiaho! — adznačaje aŭtar i praciahvaje: — Kožny achvotny moža zabracca ŭ internet, znajści «materyjały» hetaj ustanovy i pierakanacca ŭ ich absalutnaj nikčemnaści. Dyj sam spadar Rašetnikaŭ nijaki nie hienierał-lejtenant vajennaj raźviedki, a ŭsiaho tolki hłyboki adstaŭnik. Tak što ŭsim jaho «adkryćciam» i inšamu hroš cana».
«Nu zbałbatnuŭ niešta piensijanier, nu pakazaŭ siabie poŭnym dyletantam, nu što z taho? Bałbatunoŭ nie sustrakali, ci što?» — padsumoŭvaje «Sovietskaja Biełoruśsija».
Ciapier čytajuć
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń82
Kamientary