Najlepšyja biełaruskija filmy za 1 tydzień: 4 kastryčnika startuje anłajn-fiestyval dakumientalnaha kino

4—10 kastryčnika 2016 hoda na internet-placoŭcy AFISHA.TUT.BY (raździeł «Anłajn-kinateatry») projdzie Anłajn-fiestyval biełaruskaha dakumientalnaha kino BELARUSDOCS. U miežach mierapryjemstva buduć pakazany najbolš admietnyja ajčynnyja filmy apošnich troch hadoŭ, jakija demanstravalisia i pieramahali na viadučych kinafiestyvalach Jeŭropy i krain SND.

Za fiestyvalny tydzień internet-aŭdytoryja zmoža paznajomicca ź siamiu filmami: rabotami jak dziaržaŭnaj studyi dakumientalnaha kino «Letapis», tak i niezaležnych aŭtaraŭ, jak tytułavanych kinadziejačaŭ, tak i maładych režysioraŭ novaha pakaleńnia. Dadatkova hledačy zmohuć pastavić adznaku filmu, pakinuć svajo mierkavańnie na sajcie i pračytać intervju z režysiorami.

Kožny ź siami filmaŭ budzie dastupny da prahladu na praciahu sutak (ad 9:00 da 9.00 nastupnaha dnia) u HD-jakaści.

Prahrama Anłajn-fiestyvala biełaruskaha dakumientalnaha kino BELARUSDOCS:

• 4 kastryčnika - «Ałmaz» (2013; režysior — Viktar Aśluk);
• 5 kastryčnika - «Skryžavańnie» (2014; režysior — Nastaśsia Mirašničenka);
• 6 kastryčnika - «Dudar» (2014; režysior — Juryj Cimafiejeŭ);
• 7 kastryčnika - «Miaža Narvilišak» (2014; režysior — Dźmitryj Machamiet);
• 8 kastryčnika - «Nie adzin» (2014; režysior - Volha Dašuk);
• 9 kastryčnika - «Pascha Chrystova» (2015; režysior — Darja Jurkievič);
• 10 kastryčnika - «Hości» (2015; režysior — Andrej Kuciła).

Fiestyval adkryjecca filmam «Ałmaz» ad metra biełaruskaha dakumientalnaha kino Viktara Aśluka. Hierojem stužki źjaŭlajecca naščadak stalinskich ssylnych ź Biełarusi, adziny žychar vostrava na Ładažskim voziery Alaksiej Klunia. Jon časta razmaŭlaje z saboj ci sa svaim adzinym siabram — kaniom Ałmazam. Jany šmat času pražyli razam i ciapier Alaksiej choča pamierci pieršym, kab jaho trunu na mohiłki vioz Ałmaz.

Pavialičyć

Film Nastaśsi Mirašničenka «Skryžavańnie» pra biazdomnaha mastaka z Homiela Valeryja Laškieviča, jaki žyvie na vakzale i na praciahu dvaccaci hod piša karciny na vulicach horada. Za hety čas jon staŭ miascovaj słavutaściu, ale heta nie paŭpłyvała na jaho los. Što pryŭniasuć u jaho žyćcio zdymki dakumientalnaha filma?…

Pavialičyć

Karotkamietražny film pra adnaho z apošnich majstroŭ pa vyrabie ŭnikalnych pastuchovych dudaŭ u Biełarusi Fiodara Muraviejku — «Dudar» Juryja Cimafiejeva, — źviartajecca da temy sychodu ŭ minułaje tradycyjnaj viaskovaj spadčyny. Aŭtarski padychod pieratvaraje zvykłuju dla biełaruskaj dakumientalistyki temu ŭ samadastatkovy mastacki tvor.

Pavialičyć

U «Miažy Narvilišak» Dźmitryja Machamieta havorka idzie pra toje, jak biełarusy ź litoŭskaj pamiežnaj vioski Narviliški nie mohuć zvyknucca ź miažoj Jeŭraźviazu, jakaja adłučyła ich ad svajakoŭ, siabroŭ i minułaha. Statyčnyja kadry i pavolnyja doŭhija panaramy padkreślivajuć biezvychodnaść zabytych pa inšy bok miažy suajčyńnikaŭ.

Pavialičyć

«Nie adzin» Volhi Dašuk staŭ adnym z najlepšych televizijnych filmaŭ Jeŭropy-2014 (zhodna z «Prix Europe»). U im idzie raspovied pra mastaka-samavuka Viktara Załatylina. Mastactva zajmaje ŭvieś jaho volny čas. Jon šmat pracuje, bo zastałosia jamu nie tak mnoha…

Pavialičyć

Čorna-biełaja amal repartažnaja dakumientalistyka ad vypusknicy francuzskaj Škoły sučasnaha mastactva Le Fresnoy Darji Jurkievič «Pascha Chrystova» stavić pytańnie pra miesca duchoŭnych kaštoŭnaściaŭ u žyćci sučasnych haradžan.

Pavialičyć

Film Andreja Kuciły «Hości» — pieramožca Nacyjanalnaha konkursu kinafiestyvala «Listapad-2015». Hieroj tvora Alaksiej Ščadroŭ — čałaviek ź niaprostaj bijahrafijaj. Paśla vychadu z turmy jon źviarnuŭsia da viery i arhanizavaŭ niezvyčajny prytułak, kudy prymaje chvorych i dzie dahladaje biednychi i samotnych.

Pavialičyć

Ofłajn-adkryćcio fiestyvala adbudziecca 3 kastryčnika a 18.30 u Halerei TUT.BY.

Anłajn-fiestyval biełaruskaha dakumientalnaha kino BELARUSDOCS zaklikany papularyzavać nacyjanalnaje nieihravoje kino siarod biełaruskaj aŭdytoryi, naładžvać dyjałoh pamiž tvorcami i hledačami, spryjać kansalidacyi tvorčaj supolnaści kinadakumientalistaŭ Biełarusi.

Staronki ŭ sacyjalnych sietkach:

www.facebook.com/belarusdocs

www.vk.com/belarusdocs

[email protected]

+375298776134 (kaardynatar prajekta Aleś Łapo)

Partniory prajekta: Mižnarodny fiestyval karotkamietražnych filmaŭ Cinema Perpetuum Mobile, hramadskaja kampanija «Budźma biełarusami», Centr vizualnych i vykanalnickich mastactvaŭ «ART Karparejšn», sajt kinopark.by, Muziej historyi biełaruskaha kino, hazieta «Kultura», Halereja TUT.BY, vizualny časopis «Infographer»

• 0
• 0
• 0
• 0
• 0
• 0
• 0
• 0