Adterminoŭka zdačy ŭ ekspluatacyju atamnaj elektrastancyi, jakaja ŭzvodzicca blizu Astraŭca na Haradzienščynie, moža skłaści hod. Takaja zatrymka moža być vyklikanaja patrabavańniem biełaruskaha boku pastavić novy korpus reaktara ŭzamien taho jaki byŭ paškodžany 10 lipienia.
Pra heta na ŭmovach ananimnaści zajaviŭ Interfaksu nienazvany admysłoviec, jakoha pradstaŭlajuć jak daśviedčanaha eksperta ŭ dadzienaj halinie.
Na dumku specyjalista, dziaržkarparacyi «Rosatom», mahčyma, daviadziecca addać Biełarusi korpus reaktara enerhabloku № 2, jaki budujecca dla Leninhradzkaj AES-2:
«Prablema nie ŭ ramoncie, bo tam byŭ dotyk da ziamli, paškodžanyja niekalki trubak. Heta možna było adnavić prosta na placoŭcy. Ale ciapier daviadziecca addavać reaktar z druhoha bloku ŁAES-2, jon u vialikaj stupieni hatoŭnaści», — ličyć surazmoŭca ahienctva.
Biełaruskaja AES uzvodzicca pavodle rasiejskaha prajektu «VVER-1200», hienpadradčyk budoŭli — «Atambudekspart», struktura «Rosatoma». Stancyja maje składacca z dvuch enerhablokaŭ mahutnaściu 1200 MVt kožny. Pusk pieršaha enerhabloku planavaŭsia na 2018 hod, druhoha — da 2020-ha.
U noč na 10 lipienia adna z subpadradnych arhanizacyjaŭ pierasoŭvała korpus reaktara. U niejki momant hruz pierakasiła, i jon sutyknuŭsia ź ziamloj. Pieršy namieśnik kiraŭnika «Rosatoma» Alaksandar Łakšyn zapeŭniŭ, što nijakich surjoznych paškodžańniaŭ nie było, «prosta ścierłasia zavodzkaja farba».
Adnak pad ciskam hramadzkaści Ministerstva enerhietyki Biełarusi nakiravała rasiejskamu boku apaviaščeńnie ab rašeńni zamianić korpus reaktara BiełAES. U dadzienym vypadku, jak ličyć ekspert enerhietyčnaha rynku, pytańnie nabyvaje nia stolki techničnaje, kolki palityčnaje i imidžavaje adcieńnie. Z hetaj pryčyny zruch zdačy Biełaruskaj AES u ekspluatacyju moža skłaści 10—12 miesiacaŭ.
Korpus reaktara kaštuje 700—800 młn rubloŭ. Takija vypadki zvyčajna strachujucca, ale dadzieny vypadak — naŭrad ci strachavy, tamu što pramaja vina ŭ zdareńni lažyć na hienpadradčyku («Atambudekspart». — IF) i padradčyku (ZAT «Siezam»). Adpaviedna, heta ichnija straty, skazaŭ ekspert.
-
Bolš za 13 tysiač minskich vypusknikoŭ sabrali na «Minsk-Arenie». Słuchali Lošu Śvika FOTY
-
«Nie bačyła nivodnaha smažanaha sabaku». Biełaruska raskazała, jak adpačyła ŭ Vjetnamie
-
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary