49-hadovy žychar Brahina ŭ zakład z synam zdaje CT pa ruskaj movie, chimii i bijałohii
49-hadovy žychar Brahina Uładzimir Cieramiecki, jaki pracuje vartaŭnikom na kamunalnym pradpryjemstvie, śpiecyjalna pryjechaŭ 14 červienia ŭ Homiel, kab zdać centralizavanaje testavańnie pa ruskaj movie. Žychar rajcentra taksama zarehistravaŭsia na zdaču CT pa chimii i bijałohii.
«Ja paspračaŭsia z synam, chto lepš zdaść CT: jon, jaki skončyŭ škołu letaś, abo ja — u 1983-m. Voś tak zapisaŭsia na CT. Syn letaś zdavaŭ CT, sprabavaŭ prajści ŭ miedycynski ŭniviersitet, ale krychu nie chapiła bałaŭ, pajšoŭ u kaledž na ekanamista i vučycca tam vydatna. Sioleta ja taksama zdaju CT, i syn, choć i vučycca ŭ kaledžy. Prosta kab pravieryć svaje viedy», — raskazaŭ Cieramiecki.
Jaho ździvili vializnyja čerhi na zdaču CT kala HDU imia F.Skaryny. «Biednyja dzieci, stolki stajać u čarzie, pakutujuć. Potym zojdzieš u budynak — znoŭ čarha, u harderob. Mituśnia strašnaja! Darečy, kali mnie vypisvali propusk na CT, to dapuścili pamyłku ŭ proźviščy — napisali «Ciemiarecki» zamiest «Cieramiecki», ale siońnia čatyry razy praviarali propusk i pašpart, a pamyłki nie zaŭvažyli», — adznačyŭ žychar rajcentra.
Zadańni pa ruskaj movie jon acaniŭ jak dosyć składanyja i, pavodle jaho słoŭ, rasstaviŭ «kryžyki» naŭzdahad. Zaraz Cieramieckamu cikava, jaki budzie vynik ad takich «viedaŭ».
Jon zadumaŭsia ab atrymańni druhoj vyšejšaj adukacyi — pry ŭmovie paśpiachovaj zdačy CT. «Moža, i mnie pastupić vučycca? Da prykładu ŭ Akademiju kiravańnia pry prezidencie — kab potym pastavili mianie, da prykładu, premjer-ministram. Choć častku padatkaŭ pazdymaju, a to nie paśpiavajem ŭžo płacić», — skazaŭ «abituryjent».
-
Bolš za 13 tysiač minskich vypusknikoŭ sabrali na «Minsk-Arenie». Słuchali Lošu Śvika FOTY
-
«Nie bačyła nivodnaha smažanaha sabaku». Biełaruska raskazała, jak adpačyła ŭ Vjetnamie
-
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4848
Kamientary