Viarchoŭny sud Kryma pryznaŭ miedžlis krymskatatarskaha naroda ekstremisckaj arhanizacyjaj i zabaraniŭ jaho dziejnaść na terytoryi Rasii.
Takim čynam sud zadavoliŭ pazoŭ pryznačanaha Maskvoj paśla anieksii paŭvostrava prakurora Kryma Natalli Pakłonskaj, jakaja ŭ siaredzinie krasavika vyniesła rašeńnie ab prypynieńni dziejnaści miedžlisa.
Praź niekalki dzion paśla hetaha ministerstva justycyi Rasii ŭniesła miedžlis krymskich tataraŭ u pieralik arhanizacyj, zakrytych za ažyćciaŭleńnie ekstremisckaj dziejnaści.
Na pasiadžeńni suda ŭ aŭtorak Pakłonskaja zajaviła, što miedžlis nie źjaŭlajecca samastojnaj arhanizacyjaj, a jaho členaŭ i kiraŭnikoŭ nazvała «maryjanietkami ŭ rukach vialikich zachodnich lalkavodaŭ».
Namieśnik staršyni miedžlisa Naryman Džalałaŭ, u svaju čarhu, adznačyŭ, što arhanizacyja źjaŭlajecca mižnarodnaj i nie moža być zabaronienaja ŭ Rasii.
Jon taksama paviedamiŭ, što miedžlis nie moža być zarehistravany pa rasijskich zakonach, pakolki ni adzin miascovy zakon nie padychodzić pad hetuju arhanizacyju.
Advakat miedžlisa Džamil Tamišaŭ nazvaŭ rašeńnie krymskaha suda niezakonnym, dadaŭšy, što rašeńnie budzie abskardžana ŭ Viarchoŭnym sudzie Rasii.
Dziejnamu kiraŭniku miedžlisa krymska-tatarskaha naroda Rafatu Čubaravu z 2014 hoda aficyjna zabaronieny ŭjezd u Rasiju, hetak ža jak papiaredniamu staršyni i lidaru krymska-tatarskaha nacyjanalnaha ruchu Mustafie Džamilevu.
Abodva jany zaraz žyvuć u Kijevie. Prakuratura Kryma ličyć ich datyčnymi da enierhietyčnaj błakady paŭvostrava i raspačała suprać ich niekalki kryminalnych spraŭ.
Pa słovach Narymana Džalałava, rašeńnie suda ab zabaronie miedžlisa nie stanie katastrofaj dla samoj arhanizacyi, adnak niehatyŭna paŭpłyvaje na imidž Rasii.
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary