U Kijevie znajšli nieviadomyja teksty Kazimira Maleviča. Jany zachoŭvalisia ŭ chatnim archivie Marjana Krapiŭnickaha, jaki jak asistent stenahrafavaŭ vystupy mastaka ŭ Kijevie.
Siarod tekstaŭ — pratakoły vystupaŭ Maleviča adnosna płanaŭ raspracoŭki daśledčaha ekśpierymientalnaha kabinieta vyjaŭlenčaha mastacstva ŭ Kijeŭskim mastackim instytucie, a taksama razvažańni ab prablemach adukacyi mastakoŭ, stvareńni novaj akademii mastactvaŭ. 4 z 5 znojdzienych tekstaŭ raniej nikoli nidzie nie drukavalisia, tamu ich płanujuć apublikavać u lutym 2016 hoda.
«Heta niezvyčajnaja padzieja dla kijeŭskaha kulturnaha haryzontu. Da hetaha času kijeŭski pieryjad Maleviča byŭ najmienš daśledavany ŭ jaho rabocie», — adznačyła art-mieniedžar i daśledčyk tvorčaści Maleviča Taćciana Fileŭskaja.
Sam Malevič nazyvaŭ siabie «ziemlanitam» i «kaśmitam», hramadzianinam Ziamli i kosmasu. Taćciana Fileŭskaja nahadała, što pieršaj pra ŭkrainski składnik u spadčynie mastaka zahavaryła francuzskaja daśledčyca ŭkrainskaha pachodžańnia Valancina Markade, paśla jaje słovy padchapiŭ Dźmitryj Harbačoŭ, što raźviŭ temu «Malevič i Ukraina».
Hladzicie taksama: Pad «Čornym kvadratam» Maleviča znajšli druhuju vyjavu
Kamientary