Kurs jeŭra da rasijskaha rubla ŭ chodzie tarhoŭ na Maskoŭskaj biržy ŭpaŭ u paraŭnańni z uzroŭniem zakryćcia papiarednich tarhoŭ na 2,2% da 71,6 rubla. Dalar pry hetym apuściŭsia nižej za 64 rubli - na 2,4% da 63,81 rubla.
Pry hetym raniej na Maskoŭskaj biržy dalar vyrastaŭ da adznaki 67,43 rubla, a jeŭra — da 75,7 rubla.
Rezkaje ŭmacavańnie rubla adbyvajecca śledam za takim ža imklivym rostam naftavych kacirovak. Tak, košt fjučarsnaha kantraktu z pastaŭkaj u kastryčniku na naftu hatunku Brent na siońniašnich tarhach łondanskaj biržy ICE vyras da $53,05 za baral. Ranicaj cana barala Brent padała nižej za $49.
Rezkaje paskareńnie rostu cenaŭ na naftu adbyłosia paśla publikacyi biuletenia APIEK, u jakim havorycca pra toje, što arhanizacyja hatovaja pravodzić pieramovy z krainami-zdabytčykami nafty, jakija nie ŭvachodziać u APIEK, dla stabilizacyi suśvietnych koštaŭ na naftu.
Kamientary