Pamočnicu rasijskaha deputata vykryli z fejkavym videa pra «abstreł Danbasa»

Rasijskaja presa i hramadskaść abmiarkoŭvajuć skandał z udziełam pamočnicy deputata Dziaržaŭnaj dumy Jaŭhiena Fiodarava, aktyvistki Nacyjanalna-vyzvolnaha ruchu Maryi Katasonavaj u videaroliku, jaki imituje abstreł pazicyj sieparatystaŭ na Danbasie ŭkrainskaj armijaj.

Pavialičyć

Jak vykazali zdahadku mnohija ŚMI, u Sieciva vypadkova trapiŭ čarnavik ahitacyjnych materyjałaŭ. Sama Katasonava vykłała ŭ svaim Twitter hety rolik z podpisam «ź niaŭdałaha» i inšaje videa z tłumačeńniem, u jakim havorycca, što jana adzin dzień praviała «na bajavych pazicyjach apałčeńnia».

Na videa, jakoje ŚMI paličyli «fejkavym», čuvać huki, jakija nahadvajuć hrukat ad strełaŭ artyleryi. Na roliku, što patrapiŭ u Sieciva, aśviatlajecca tolki tvar Katasonovoj, vakoł jaje — poŭnaja ciemra. Na fonie stralaniny, jakaja hučyć ciaham rolika, aktyvistka raspaviadaje, što nibyta znachodzicca ŭ Daniecku, u 400 mietrach ad linii sudakranańnia sieparatystaŭ i ŭkrainskaj armii, razam z «Pieršym motastrałkovym bataljonam bryhady «Uschod», paviedamlaje Radyjo «Svaboda».

«Ukraina čatyry hadziny zapar abstrelvaje pazicyi ŁNR», — z surjoznym tvaram raspaviadaje prakramloŭskaja aktyvistka. Adnak naprykancy zapisu Katasonava i ludzi, što zdymajuć jaje, pačynajuć śmiajacca, a śviatło kamiery aśviatlaje ścieny pakoja, u jakoj zapisvaŭsia rolik.

Jak nahadvaje radyjo «Svaboda», Maryja Katasonova — člen radykalnaha «Nacyjanalna-vyzvolnaha ruchu».

Siarod akcyj hetaj arhanizacyi — napad na ŭdzielnikaŭ antyvajennaha pikietu ŭ Maskvie, na aktyvistaŭ, jakija sočać za miemaryjałam pamiaci Barysa Niamcova na Maskvareckim moście, a taksama sproby sarvać sustrečy Alaksieja Navalnaha sa svaimi prychilnikami ŭ Novasibirsku.

Pavialičyć

U kancy lipienia Katasonava u liku aktyvistaŭ «Nacyjanalna-vyzvolnaha ruchu» sprabavała pieradać dla śpiavački Ziemfiry ściah «Navarosii» padčas kancertu ŭ Maskvie. Jak raspaviała Katasonava, akcyja pavinna była stać adkazam na pieradaču śpiavačcy ŭkrainskaha ściaha na fiestyvali Tbilisi Open Air 4 lipienia.

Novy skandał z «fejkavym» videa z udziełam Maryi Katasonavaj prakamientavaŭ deputat Dziarždumy Dźmitryj Hudkoŭ.

Na svajoj staroncy ŭ Facebook jon adznačyŭ, što «ciapierašnim prapahandystam vielmi chočacca być padobnymi na savieckich vajenkaraŭ». «Tolki truba nižejšaja, dym radziejšy, dy i vajna nie taja, jak ni starajucca», — kanstatavaŭ parłamientaryj, patłumačyŭšy, što maje na ŭvazie «fejki, videa z «kuchni» jakija časam traplajucb ŭ Sieciva — jak u sp-ni Katasonavaj», jakaja «zmahajecca» u šerahach «Nacyjanalna-vyzvolnaha ruchu».

Hudkoŭ siarod inšaha nahadaŭ pra apublikavanaje na pačatku žniŭnia videa «Chutka žnivo», na jakim Katasonava, ŭzbrojenaja kasoj i apranutaja ŭ čornaje, vykrykvaje «Hojda!». Jak viadoma z historyi, mienavita hetaje słova kryčali apryčniki, kali Ivan Hrozny asabista braŭ udzieł u pakarańniach śmierciu. U svaim Twitter Maryja Katasonava napisała z hetaj nahody: «Nieaapryčnina nieabchodnaja i niepaźbiežnaja. Heta radykalny adpor pracesu źniščeńnia Rasii «znutry».

«I voś hetaja Fiodaraŭskaja muza», akazvajecca, zdymaje padrobnyja videa «z Danbasa». Aj-aj», — iranizuje Hudkoŭ. «Tak i ŭsie hetyja «idejnyja zmahary» na dziaržzabieśpiačeńni: navat padrobku źniać nie ŭmiejuć», — reziumavaŭ deputat.

Charakterna, što skandalnaje videa źjaviłasia na staroncy Katasonavoj ŭ Twitter z podpisam: «Noč na pramzonie. Spartak. Pad huki pieramirja. Ź niaŭdałaha))»

Miž tym u sieradu ŭ mikrabłohu Katasonava vykłała spasyłku na inšaje videa na YouTube, u podpisu da jakoha havorycca, što jana «adzin dzień praviała na bajavych pazicyjach apałčeńnia na pramzonie (Spartak) i na svaje vočy ŭbačyła, što minskija damoŭlenaści tak i zastalisia tolki na papiery, a pieramirje praciahvaje być napružanym».

• 0
• 0
• 0
• 0
• 0
• 0
• 0
• 0