Alfred Koch: Viasielle Piaskova i Naŭki kaštavała 600 tysiač dalaraŭ
«Čaho vy pryčapilisia da hadzińnika Piaskova? Vy pacikaŭciesia, kolki kaštavała jaho viasielle! — piša ŭ svaim fejsbuku były vice-premjer Rasii Alfred Koch. — Try hady tamu ja ź siamjoj žyŭ u hateli «Radzima». I voś što ja vam skažu: heta adzin z samych darahich hatelaŭ u maim žyćci.
U «Radzimie» kožny abied (bieź śpirtnoha) abychodziŭsia mnie minimum 50—70 dalaraŭ na čałavieka. Numar kaštavaŭ 1000 dalaraŭ za sutki. Ja ŭžo nie pamiataju, kolki kaštavaŭ džym i pasłuhi spa, ale taksama ŭzrovień zrazumieły.
I heta byŭ kaniec maja — pačatak červienia. H.zn. vysoki siezon jašče nie pačaŭsia, vada była chałodnaja, i ja litaralna tolki adzin raz akunuŭsia ŭ mory. I, zrazumieła, što ceny byli nižejšyja, čym u kancy lipienia — pačatku žniŭnia.
Ja admysłova ŭčora zajšoŭ na sajt hatela i pastaraŭsia zareziervavać numar. Samyja blizkija daty — 20 vieraśnia. Bližej — svabodnych numaroŭ niama. Cana samaha tannaha numara — 700 dalaraŭ za sutki.
Hety hatel naležyć Alehu Dzierypasku. Dyk voś. Ja mahu z upeŭnienaściu skazać, što arenda hetaha hatela całkam u vysoki siezon navat na dva dni kaštuje minimum paru socień tysiač dalaraŭ. Kali Piaskoŭ ich nie płaciŭ, a jamu hetuju pasłuhu padaryli, to heta chabar. Kali płaciŭ — to adkul hrošy?
Dalej. Viadoma, što kejterynh na viasielli byŭ z restarana «Le Mare». Heta značyć, ježu pryvieźli z Maskvy. Chto byŭ u hetym restaranie, toj viedaje, što heta vielmi darahi restaran.
Siaredni ček tam (biez vypiŭki) taksama kala 50 dalaraŭ na čałavieka. Navat kali vykazać zdahadku, što na viasielli naohuł nie buchali, to sam abied (biez uliku dastaŭki ježy samalotam!) abyšoŭsia minimum jašče ŭ sotniu tysiač dalaraŭ. Kali Piaskoŭ za hety abied nie płaciŭ, a jamu hety abied padaryli, to heta chabar. Kali płaciŭ — adkul hrošy?
I, narešcie, artysty. Ich było nie mienš za dziasiatak. Siaredni hanarar takoha artysta za vystup na karparatyvie — ad 20 da 50 tysiač dołaraŭ. Voźmiem siaredniuju canu — 30 tysiač dalaraŭ. Razam atrymlivajem minimum 300 tysiač. Kali Piaskoŭ artystam nie płaciŭ, a ich vystup jamu padaryli, to heta chabar. Kali płaciŭ — adkul hrošy?
Razam, my majem minimum 600 tysiač dalaraŭ, jakija byli vydatkavanyja na hetaje viasielle. A ŭ realnaści, ja dumaju, nie mienš za miljon. Takim čynam: heta chabar ci nie? I kali nie, to adkul u Piaskova hrošy?» — piša były vice-premjer, jaki ciapier žyvie ŭ Hiermanii.
Pres-sakratar Pucina Dźmitryj Piaskoŭ i byłaja fihurystka Taćciana Naŭka pabralisia šlubam paśla doŭhich hadoŭ blizkich adnosin.
Kamientary