U Brusieli (Bielhija) siońnia adbyŭsia pieršy raŭnd dyjałohu pa pravach čałavieka pa linii Biełaruś — ES. Pra heta paviedamili ŭ pres-słužbie MZS.
«U chodzie dyjałohu byli abmierkavanyja roznyja pytańni, uklučajučy stvareńnie nacyjanalnaha instytuta pa pravach čałavieka, tematyku svabody słova, vykazvańnia i schodaŭ, prymianieńnia śmiarotnaha pakarańnia, baraćby sa źnievažajučymi čałaviečuju hodnaść vidami abychodžańnia, a taksama zachavańnia pravoŭ dziciaci», — raspaviali ŭ pres-słužbie.
U ramkach šmatbakovaha supracoŭnictva Biełaruś i ES taksama abmierkavali pytańni ŭzajemadziejańnia ŭ AAN.
«Vyniki sustrečy prademanstravali prychilnaść Biełarusi i ES da pahłybleńnia dyjałohu, u tym liku pa tematycy pravoŭ čałavieka, — upeŭnienyja ŭ MZS. — Pieramovy dazvolili pravieści sumlenny i pavažlivy pieršapačatkovy abmien dumkami pa sutnaści pytańniaŭ z metaj nastupnaha ŭmacavańnia ŭzajemnaha davieru i raźvićcia supracoŭnictva».
Biełaruskuju delehacyju ŭznačalvaje načalnik hałoŭnaha ŭpraŭleńnia šmatbakovaj dypłamatyi MZS Juryj Ambrazievič, delehacyju Jeŭrapiejskaha sajuza — načalnik upraŭleńnia pravoŭ čałavieka i demakratyi Jeŭrapiejskaj słužby źniešnich dziejańniaŭ Silvijo Hanzata.
Kamientary