Dla Android źjaviŭsia biełaruskamoŭny katalicki malitoŭnik
Moładź minskaj parafii Biezzahannaha Začaćcia Najśviaciejšaj Panny Maryi raspracavała zbor malitvaŭ dla smartfonaŭ.
Android-prahrama stvoranaja pad kiraŭnictvam vikaryja parafii a. Andreja Sidaroviča. Jaje raspracavali Arciom Bajok, Cihran Sarkisian, nad iOS-viersijaj pracuje Jaŭhien Karačynski, paviedamlaje catholic.by. Zapusk prahramy spałučyli z zapuskam sajta minskaj parafii, ź jakim pracavaŭ Arciom.
«Upravilisia za šeść miesiacaŭ. Viadoma, možna było i chutčej, ale nie zaŭsiody sporyłasia z časam, dy j inšyja pieraškody paŭstavali», — praciahvaje Cihran.
Prahrama dazvalaje karystacca aficyjnymi malitvami Kaścioła i mieć dostup da štodzionnych liturhičnych čytańniaŭ praz smartfon i płanšet.
Siarod malitvaŭ — litanii, malitvy ŭ roznych patrebach, čytańni dnia, malitvy na praciahu dnia, malitvy da Maci Božaj, malitvy da śviatych, malitvy na kožny dzień, nabaženstvy liturhičnaha hoda i malitvy na łacinskaj movie.
«Spačatku, praŭda, nie płanavali źmiaščać u malitoŭniku čytańni dnia. Ale jak pakazvaje statystyka siońnia, mienavita čytańni i stali «razynkaj» malitoŭnika», — dadaje Arciom.
Za pieršy tydzień pa vypusku prahramy raździeł z malitvami prahladzieli 5 tysiač raz. Da chłopcaŭ stali źviartacca ŭładalniki iPhone.
«Praca nad iOS užo idzie. Ciapier hałoŭnaje — jaje skončyć, i tady budziem hladzieć, — raspaviadaje Jaŭhien. — Kali ŭsio atrymajecca, dadatak budzie hatovy ŭžo praz tydzień. A tam praces zaćviardžeńnia na App Store moža zaniać da dvuch tydniaŭ».
Ciapier chłopcy abmiarkoŭvajuć prapanovu da śviatara z Ukrainy ab stvareńni ŭkrainskaj viersii malitoŭnika. Kali pahodziacca, to tolki biaspłatna. «Zarablać na viernikach — niepryhoža. Nie pa-chryścijansku heta», — kažuć jany.
Spampavać malitoŭnik dla Android >>>
-
Bolš za 13 tysiač minskich vypusknikoŭ sabrali na «Minsk-Arenie». Słuchali Lošu Śvika FOTY
-
«Nie bačyła nivodnaha smažanaha sabaku». Biełaruska raskazała, jak adpačyła ŭ Vjetnamie
-
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary