Łukašenka: Prymiem usich ukraincaŭ, chto choča narmalna žyć i pracavać u Biełarusi
Alaksandr Łukašenka siońnia na naradzie pa pytańniach zaniataści i mihracyi zajaviŭ, što Biełaruś hatova pryniać usich ukraincaŭ, jakija chočuć žyć i narmalna pracavać u našaj krainie.
U Biełaruś pryjazdžajuć, kab pracaŭładkavacca, u tym liku ŭ apošni čas narastaje kolkaść pryjezdžych z Ukrainy. «Viadoma, my budziem dapamahać takim ludziam. Pra heta ŭžo niamała skazana. My prymiem usich, chto choča žyć i narmalna pracavać. U nas ža jość rajony i vytvorčaści, dzie rabočych ruk vielmi nie chapaje», - adznačyŭ Alaksandr Łukašenka.
«Adnak varta pamiatać, što adkrytaja palityka, nakiravanaja na pryciahnieńnie pracoŭnych mihrantaŭ, jak pakazaŭ dośvied Jeŭropy, nie zaŭsiody byvaje paśpiachovaj», — skazaŭ kiraŭnik dziaržavy.
Łukašenka padkreśliŭ: «Kali nie chočam mižnacyjanalnych kanfliktaŭ u siabie ŭ krainie, to treba zadziejničać biełaruskich hramadzian na poŭnuju katušku, a nie pładzić utrymanstva siarod svaich i pryciahvać zamiežnuju pracoŭnuju siłu na tak zvanuju nieprestyžnuju pracu».
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ14
Kamientary