U Minsku ź vizitam znachodzicca pradstaŭnik ABSIE pa pytańniach svabody ŚMI
Pradstaŭnik Arhanizacyi pa biaśpiecy i supracoŭnictvie ŭ Jeŭropie (ABSIE) pa pytańniach svabody ŚMI Dunia Mijatavič prybyła ŭ Biełaruś z dvuchdzionnym aficyjnym vizitam.
Jak paviedamili BiełaPAN u pres-słužbie ABSIE, Dunia Mijatavič sustreniecca ź ministram zamiežnych spraŭ Uładzimiram Makiejem i ministram infarmacyi Lilijaj Ananič. Padčas pieramoŭ pradstaŭnik ABSIE maje namier abmierkavać situacyju sa svabodnaj ŚMI ŭ Biełarusi.
Mijatavič taksama voźmie ŭdzieł u adnadzionnym sieminary pa ŭzajemadziejańni orhanaŭ pravaparadku i ŚMI ŭ Biełarusi, jakija arhanizujuć ofis pradstaŭnika ABSIE pa pytańniach svabody ŚMI i biełaruskaje Ministerstva zamiežnych spraŭ.
Aprača aficyjnych mierapryjemstvaŭ zapłanavanyja sustrečy Duni Mijatavič z pradstaŭnikami hramadzianskaj supolnaści i mas-miedyja.
Mijatavič nieadnarazova vystupała z krytykaj biełaruskich uład nakont umoŭ pracy žurnalistaŭ u krainie.
Apošniaja jaje zajava, zroblenaja ŭ červieni hetaha hoda, była ab pavieličeńni kolkaści štrafaŭ, što nakładajucca na biełaruskich žurnalistaŭ u apošnija miesiacy za pracu biez akredytacyi.
Biełaruś pa-raniejšamu ličycca krainaj ź niespryjalnym režymam dla pracy ŚMI.
Tak, u apošnim dakładzie mižnarodnaj pravaabarončaj arhanizacyi «Indeks cenzury» (štab-kvatera ŭ Łondanie), jaki byŭ pradstaŭleny ŭ Minsku ŭ lutym hetaha hoda, havorycca: Biełaruś zastajecca krainaj z adnym z najbolš represiŭnych miedyjałandšaftaŭ u Jeŭropie. A ŭ rejtynhu svabody ŚMI krain Uschodniaha partniorstva (Armienija, Azierbajdžan, Biełaruś, Hruzija, Małdova, Ukraina), składzienaha sioleta ŭ miežach prahramy ES, Biełaruś zajmaje apošniaje miesca.
Kamientary