Čarhovaja sustreča kantaktnaj hrupy pa ŭrehulavańni situacyi va Ukrainie ŭ farmacie Ukraina — Rasija — ABSIE — sieparatysty Danbasa projdzie 5 vieraśnia ŭ minskim «Prezident-hateli».
Akredytavanych žurnalistaŭ źbirajuć u «Prezident-hateli» ŭ 13.00. Čakajecca, što pieramovy pačnucca ŭ 14.00.
«U piatnicu ŭ 14 hadzin pavinna adbycca pasiadžeńnie trochbakovaj kantaktnaj hrupy, na jakoj pavinien być padpisany dakumient, jaki praduhledžvaje etapnaść ukaranieńnia mirnaha płana. I pieršym elemientam u im budzie spynieńnie ahniu», — zajaviŭ prezident Ukrainy Piatro Parašenka 4 vieraśnia ŭ Ńjuparcie (Vialikabrytanija) pa vynikach sustrečy ź piaciorkaj suśvietnych lidaraŭ krain NATA.
Kali sustreča ŭ Minsku adbudziecca, dadaŭ prezident Ukrainy, jon daść daručeńnie kiraŭnictvu Hienieralnaha štaba ab spynieńni ahniu.
U toj ža čas, paviedamiŭ jon, ź lidarami viadučych krain NATA ŭzhodniena, što ŭ vypadku zryvu pieramoŭ moža być zapuščany inšy varyjant.
Parašenka nazvaŭ jaho «rašučymi dziejańniami». «Kali hetaha nie adbudziecca, to vierahodnaść našych rašučych dziejańniaŭ pa deeskałacyi kanfliktu źjaŭlajecca vielmi vysokaj, ale my žadajem miru», — skazaŭ jon.
Čakajecca, što pasiadžeńnie kantaktnaj hrupy projdzie ŭ tym ža składzie, što i 1 vieraśnia.
Tady ŭkrainski bok na pieramovach pradstaŭlaŭ były prezident Ukrainy Leanid Kučma, rasijski — pasoł RF u Kijevie Michaił Zurabaŭ, ABSIE — aficyjny pradstaŭnik dziejnaha staršyni ABSIE pa pytańniach urehulavańnia situacyi va Ukrainie Adelchiejd Taljavini, samaabvieščanyja Danieckuju i Łuhanskuju narodnyja respubliki — Andrej Purhin i Alaksiej Karakin adpaviedna.
Płanujecca, što ŭdzielnikam pieramoŭ buduć pradstaŭleny płany pa ŭrehulavańni vajennaha kanfliktu na paŭdniovym uschodzie Ukrainy, prapanavanyja Piatrom Parašenkam i prezidentam RF Uładzimiram Pucinym.
Kamientary