Kalinin: Pa ŭsioj krainie abśledujuć budynki ŭstanoŭ adukacyi, padobnyja da himnazii, što abrušyłasia ŭ Kryčavie
Budynki ŭsich ustanoŭ adukacyi ŭ krainie, anałahičnyja pa prajekcie himnazii, jakaja abrušyłasia ŭ Kryčavie, u bližejšy čas abśledujuć śpiecyjalna stvoranyja kamisii. Ab hetym paviedamiŭ žurnalistam namieśnik premjer-ministra Biełarusi Anatol Kalinin.
Pavodle słoŭ Anatola Kalinina, pa fakcie abrušeńnia plit pierakryćcia ŭ budynku prybudovy himnazii Kryčava stvorany respublikanski štab, viadziecca rasśledavańnie, usie astatnija pytańni buduć razhledžany pa vynikach raboty śpiecyjalnaj kamisii. Dla hetaj raboty zaprošany ŭsie zacikaŭlenyja słužby, instytuty, navuka i inšyja. U Kryčavie dastatkova škoł, ich piać, a zapaŭnialnaść składaje krychu bolš za 50 pracentaŭ, tamu prablem z dalejšym navučańniem vučniaŭ kryčaŭskaj himnazii nie ŭźniknie, adznačyŭ vice-premjer. «Pryniaty ŭžo rašeńni pa raśsialeńni navučencaŭ, pa ich padvozie. Tamu 1 vieraśnia ŭ Kryčavie projdzie płanava, dzieci buduć raźmierkavany ŭ inšyja škoły», — zapeŭniŭ jon.
Siońnia adbyłosia abrušeńnie ŭ himnazii ŭ Kryčavie (budynak 1979 hoda pabudovy). Paviedamleńnie ab incydencie pastupiła ŭ MNS u 08.44. Pa vynikach znadvornaha ahladu ŭstanoŭlena, što adbyłosia abrušeńnie plit pierakryćcia 2-ha i 1-ha paviercha prybudovy da budynka himnazii. Płošča abrušeńnia skłała amal 100 kv.m. Jak miarkujecca, na momant abrušeńnia ŭ budynku znachodziŭsia tolki vartaŭnik, jon nie paciarpieŭ.
Da ahladu miesca zdareńnia pryciahnuty śpiecyjalisty Ministerstva pa nadzvyčajnych situacyjach i ekśpierty ŭpraŭleńnia Dziaržaŭnaha kamiteta sudovych ekśpiertyz pa Mahiloŭskaj vobłaści.
Śledčyja pradaŭžajuć rabotu pa ŭstanaŭleńni ŭsich abstavin zdareńnia. Pa fakcie zdareńnia ŭzbudžana kryminalnaja sprava pa art.428 KK Biełarusi (słužbovaja chałatnaść).
-
Bolš za 13 tysiač minskich vypusknikoŭ sabrali na «Minsk-Arenie». Słuchali Lošu Śvika FOTY
-
«Nie bačyła nivodnaha smažanaha sabaku». Biełaruska raskazała, jak adpačyła ŭ Vjetnamie
-
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4848
Kamientary