Parašenku z Dniom Niezaležnaści pavinšavali Abama, Łukašenka, Papa Francišak, karaleva Brytanii, ale nie Pucin
Prezident ZŠA, karaleva Vialikabrytanii, Papa Francišak, prezidenty Polščy i Biełarusi, a taksama lidary jašče šerahu krain pavinšavali prezidenta Piatra Parašenku z Dniom Niezaležnaści Ukrainy.
Adnačasova pra vinšavańnie prezidenta susiedniaj Rasii Uładzimira Pucina pa stanie na 17 hadzin ničoha nie viadoma.
U vinšavańni prezidenta ZŠA Baraka Abamy, u pryvatnaści, skazana:
«I ŭ lepšyja časy, i ŭ samyja składanyja momanty ludzi va Ukrainie pavinny viedać, što Złučanyja Štaty źjaŭlajucca partnioram i siabram. My rašuča padtrymlivajem suvierenitet i terytaryjalnuju cełasnaść Ukrainy, my rašuča padtrymlivajem prava Ukrainy vybirać svaju ŭłasnuju budučyniu».
Papa Francišak pažadaŭ ukraincam dabrabytu i miru.
«U ciapierašniaj situacyi ja chaču pažadać, kab ukrainski narod zmoh prytrymlivacca darohi raźvićcia, prymireńnia i miru. Prašu Usiemahutnaha Boha, kab Jon ščodra błasłaviŭ usich žycharoŭ krainy, a taksama kiraŭnikoŭ, doračy im łasku žyć u zhodzie i braterstvie», — adznačyŭ jon.
Alaksandr Łukašenka adznačyŭ: «Ščyra daražu ŭzajemarazumieńniem, jakoje ŭstanaviłasia pamiž nami, i budu rady pradaŭžeńniu kanstruktyŭnaha dyjałohu, nakiravanaha na dalejšaje ŭmacavańnie supracoŭnictva pamiž Biełaruśsiu i Ukrainaj».
Akramia taho, pres-słužba prezidenta Ukrainy paviedamiła, što Parašenku z nacyjanalnym śviatam pavinšavali karali Ispanii Fielipe VI i Šviecyi Karł XVI Hustaŭ, impieratar Japonii Akichita, prezidenty Aŭstryi Chajnc Fišer, Słavakii Andrej Kiska, Turkmienistana Hurbanhuły Bierdymuchamiedaŭ, Kazachstana Nursułtan Nazarbajeŭ, Tadžykistana Emamali Rachmon, Charvatyi Iva Josipavič, Partuhalii Anibała Kavaku Siłva dy inš.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary