Hałoŭnaje śledčaje ŭpraŭleńnie Śledčaha kamiteta Rasijskaj Fiederacyi zaviało kryminalnuju spravu ŭ dačynieńni lidara «Pravaha siektara « Dźmitryja Jaraša.
Sprava zaviedziena pa prykmietach złačynstvaŭ, praduhledžanych č. 2 art. 205.2 KK RF i č. 2 art. 280 KK RF ( publičnyja zakliki da ažyćciaŭleńnia terarystyčnaj i ekstremisckaj dziejnaści, učynienyja z vykarystańniem srodkaŭ masavaj infarmacyi).
Na dumku śledstva, u svaich vystupach Dźmitryj Jaraš publična zaklikaje antyrasijskija siły da ekstremisckich dziejańniaŭ i teroru na terytoryi Rasii.
«U bližejšy čas śledstva maje namier chadajničać ab zavočnym abrańni ŭ dačynieńni da Jaraša miery strymańnia ŭ vyhladzie zaklučeńnia pad vartu, zatym Jaraš budzie abvieščany ŭ mižnarodny vyšuk», — havorycca ŭ paviedamleńni.
Nahadajem, raniej na staroncy «Pravaha siektara» ŭ «vKontaktie» źjaviŭsia zaklik da lidara čačenskich bajevikoŭ Doku Umarava padtrymać Ukrainu. Paźniej, adnak, u arhanizacyi zajavili, što zvarot źjaviłasia paśla taho, jak staronka «Pravaha siektara» ŭ «vKontaktie» i rachunak adnaho ź jaje administrataraŭ byli ŭzłamanyja.
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary