Byłoha palitviaźnia z turmy na Akreścina vyvieźli ŭ lačebna-pracoŭny prafiłaktoryj.
Vasil Parfiankoŭ, jaki razam z Uładzimiram Jaromienkam byŭ asudžany na 5 sutak aryštu, pavinien byŭ zaŭtra, a 12:00 vyjści na volu z turmy na Akreścina. Ale pieradaču dla jaho nie pryniali, a ŭziali tolki dla Jaromienka.
Vasila advieźli ŭ Pieršamajski RUUS Minska, a adtul, pavodle infarmacyi pravaabaroncaŭ, jaho pavieźli ŭ lačebna-pracoŭny prafiłaktoryj (ŁPP).
Pakul što heta nieaficyjnaja infarmacyja, ale, tym nie mienš, učastkovy milicyjant paviedamiŭ pravaabaroncy Anastasii Łojcy, što heta dakładna.
Na Vasila Parfiankova i Uładzimira Jaromienka byli zaviedzieny kryminalnyja spravy «za parušeńnie previentyŭnaha nahladu». Jaromienak byŭ asudžany na try miesiacy aryštu i pavinien adbyvać pakarańnie paśla razhladu kasacyjnaj skarhi.
Na Parfiankova sprava była zaviedziena jašče raniej, ale da hetaha času jana nie była pieradadziena ŭ sud. Pa ŭsioj bačnaści, jaho vyrašyli nie asudžać na maksimalny pa hetym artykule termin da šaści miesiacaŭ, a adpravić na hod u ŁPP.
Vasil Parfiankoŭ byŭ pieršym, kaho asudzili pa spravie ab padziejach 19 śniežnia 2010 hoda.
U lutym 2011 hoda sud Frunzienskaha rajona Minska pryznaŭ jaho vinavatym va ŭdziele ŭ masavych biesparadkach i pryhavaryŭ da čatyroch hadoŭ pazbaŭleńnia voli z adbyvańniem pakarańnia ŭ kałonii strohaha režymu. Akramia taho, Parfiankoŭ pavinien byŭ vypłacić bolš jak 14 młn. rubloŭ za raźbitaje škło dźviarej u Domie ŭrada padčas niesankcyjanavanaj akcyi apazicyi. U žniŭni 2011 hoda jon byŭ pamiłavany ŭkazam Łukašenki.
5 studzienia 2012 hoda za Parfiankovym ustanavili prafiłaktyčny nahlad, a ŭ krasaviku Śledčy kamitet Pieršamajskaha rajona Minska raspačaŭ u dačynieńni da jaho novuju kryminalnuju spravu — za parušeńnie ŭmoŭ prafiłaktyčnaha nahladu. U mai 2012 hoda sud Pieršamajskaha rajona pryznaŭ Parfiankova vinavatym u parušeńni ŭmoŭ prafiłaktyčnaha nahladu i pryhavaryŭ da šaści miesiacaŭ aryštu. U žniŭni 2012 h. Parfiankova etapavali ŭ aryštny dom u Baranavičy, dzie jon i adbyvaŭ pakarańnie. Vyjšaŭ na volu ŭ lutym 2013 h.
-
Bolš za 13 tysiač minskich vypusknikoŭ sabrali na «Minsk-Arenie». Słuchali Lošu Śvika FOTY
-
«Nie bačyła nivodnaha smažanaha sabaku». Biełaruska raskazała, jak adpačyła ŭ Vjetnamie
-
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary