Top-5 faktaŭ pra novaha prezidenta Irana

Paabiacaŭ vyzvalić palitviaźniaŭ

Ahitujučy za siabie, Chasan Ruchani šmat jeździŭ pa krainie, i ŭsiudy źbiraŭ vialikija natoŭpy, abiacajučy vyzvalić palitviaźniaŭ, zabiaśpiečyć hramadzianskija pravy i «viarnuć nacyi hodnaść».

Na mitynhach i padčas teledebataŭ jon havaryŭ na zabaronienyja raniej temy: pra supraćstajańnie z suśvietnaj supolnaściu pa jadziernaj prablemie, mižnarodnuju izalacyju krainy i razburalnaje ŭździejańnie mižnarodnych sankcyj, ciažkaje stanovišča ŭ ekanomicy.

Ruchani zaklikaje da adnaŭleńnia dypłamatyčnych adnosin z ZŠA, razarvanych paśla zachopu ŭ zakładniki piersanała amierykanskaj ambasady ŭ Tehieranie ŭ 1979 h.

Jon asabliva źviartaŭ uvahu na nieabchodnaść vysokaj jaŭki na vybary, paŭtarajučy, što kansiervatary «nie chočuć, kab vy hałasavali, jany chočuć pieramahčy biez baraćby».

Adziny kandydat-śviatar

Chasan Ruchani — adziny śviatar siarod šaści kandydataŭ, jakija bałatavalisia 14 červienia. Jon ža — samy pa-refarmatarsku nastrojeny siarod ich, choć nazyvać jaho apanientam režymu, libierałam ci zachodnikam nielha — tych u Iranie da vybaraŭ prosta nie dapuskajuć.

Jaho padtrymaŭ «iranski Harbačoŭ»

U chodzie kampanii Ruchani abapiraŭsia na padtrymku refarmistaŭ na čale z eks-prezidentam Machamadam Chatami, jakoha ŭ pieryjad znachodžańnia va ŭładzie (1997–2005) časam nazyvali «iranskim Harbačovym».

U padtrymku Ruchani vykazaŭsia taksama aŭtarytetny siarod častki duchavienstva były prezident Akbar Chašemi Rafsandžani,

Byŭ pry ŭładzie, rezka krytykavaŭ Achmadzinedžada

Chasan Ruchani naradziŭsia 12 listapada 1948 hoda. Jon nie pačatkoviec u palitycy, choć da hetaha času bolš vystupaŭ jak ekśpiert, čym praktyčny kiraŭnik.

Z 1992 h. jon niaźmienna uznačalvaŭ iranski Centr stratehičnych daśledavańniaŭ — analityčny i kansultatyŭny orhan pry poŭnaŭładnym Duchoŭnym lidary. Piać razoŭ abiraŭsia deputatam miedžlisa, dzie zajmaŭ pasadu vice-śpikiera. Byŭ kiraŭnikom avijacyi, namieśnikam hałoŭnakamandujučaha ŭ časie irana-irackaj vajny. Z 1989-ha pa 2005 hod byŭ sakratarom Rady pa nacyjanalnaj biaśpiecy Irana. Maje dypłamatyčny dośvied: pry prezidencie Chatami pradstaŭlaŭ Iran na pieramovach pa jadziernaj prablemie. Byŭ adzinym śviatarom u delehacyi pieramoŭnikaŭ.

U pieryjad studenckich demanstracyj z-za zakryćcia libieralnaj haziety ŭ 1999 hodzie zajaviŭ, što vinavatyja ŭ padryŭnoj dziejnaści i paškodžańni dziaržaŭnaj majomaści zasłuhoŭvajuć śmiarotnaha pakarańnia, kali ich vina budzie dakazanaja. Adnak paśla źmianiŭ svaje pohlady,

Jon rezka krytykavaŭ Machmuda Achmadzinedžada, jaki, na jaho dumku, nanosiać vialikuju škodu krainie «biezadkaznymi i niepradumanymi zajavami».

Vysokaadukavany bahasłoŭ i pravavied

Novy prezident — vysokaadukavany šyicki bahasłoŭ i pravavied. Abaraniŭ doktarskuju dysiertacyju ŭ Kaledonskim univiersitecie ŭ Hłazha. Vałodaje arabskaj, anhlijskaj, francuzskaj, niamieckaj i ruskaj movami.

• 0
• 0
• 0
• 0
• 0
• 0
• 0
• 0