Skarha Ju.Alejnika, adličanaha z čaćviortaha kursu Akademii kiravańnia, budzie razhledžana sudom Kastryčnickaha rajonu Miensku.
Nahadajem, 4 červienia adličany Ju.Alejnik źviarnuŭsia ŭ sud Kastryčnickaha rajona. Małady čałaviek ličyć, što jaho vyklučyli z VNU za aktyŭnuju hramadskuju diezjnaść: jon źjaŭlajecca členam HA «Tavarystva biełaruskaj movy» i supracoŭničaje z RHA «Biełaruskaja asacyjacyja žurnalistaŭ». U sakaviku‑krasaviku Ju.Ałjnik arhanizoŭvaŭ zbor podpisaŭ suprać admieny lhotaŭ studentam. U zahadzie ab adličeńni pryčynami nazvany «sistematyčnyja parušeńni vučebnaj dyscypliny i praviłaŭ unutranaha rasparadku».
5 lipienia sud Kastryčnickaha rajona Minska pryznaŭ niepadviedamasnaj spravu ab vyklučeńni Ju.Alejnika z VNU z matyviroŭkaj: «Akademija kiravańnia pry prezidencie padspravazdačnaja prezidentu». 12 lipienia małady čałaviek padaŭ kasacyjnuju skarhu na rašeńnie suda Kastryčnickaha rajona ŭ Minsk haradski sud. 6 žniŭnia Minharsud zadavoliŭ skarhu byłoha studenta i nakiravaŭ spravu na novy razhlad u sud Kastryčnickaha rajona.
14 žniŭnia ŭ sudzie Kastryčnickaha rajona adbyłasia papiaredniaja hutarka, padčas jakoj była zasłuchana pazicyja bakoŭ. Advakat Ju.Alejnika Łarysa Atamančuk nastojvaje na admienie zahada ab adličeńni. Pradstaŭniki akademii kiravańnia pry prezidencie pa‑raniejšamu nie pryznajuć isk i ličać, što adličeńnie było pravamiernym.
Da 28 žniŭnia baki majuć mahčymaść udakładnić pazicyju. Za hety čas Ł.Atamančuk płanuje źmianić iskavy zvarot u sud na skarhu, u jakoj budzie abskardžany zahad rektara ab adličeńni.
Kamientary