Zarobak tałonami: «Niazručna, ale što zrobiš»
U Lidzie avans častkova vydali tałonami na pradukty.
Tałony na ježu — heta zusim nie histaryčny fietyš, heta suvoryja realii. Krama ŭ Lidzie (Hrodzienskaja vobłaść) stała adnym z «partałaŭ» u savieckaje minułaje.
Tak, supracoŭniki kramy UKP № 1 «Dom Handlu» atrymali častku svajho štomiesiačnaha avansu ŭ vyhladzie siertyfikataŭ na kuplu pradukcyi ŭ svajoj ža kramie.
Taki siertyfikat, abo «tałon», pradstaŭlaje saboj kavałačak zvyčajnaj papiery sa štampam kramy i sumaj u 30.000 rubloŭ. Supracoŭnikaŭ papiaredzili, kali «atavarvaješ» hety siertyfikat, to nielha atrymać reštu najaŭnymi hrašyma. Inšymi słovami, sumlenny pracaŭnik UKP № 1 «Dom Handlu» abaviazvajecca vybrać tavaraŭ takim čynam, kab ukłaścisia ŭ peŭnuju sumu.
Supracoŭniki kramy kamientujuć heta biez abureńnia, adznačajučy, što «heta zvyčajnaja sprava, choć i niazručna».