Mahiloŭščyna. «Havary praŭdu» nahadała pra «kryvavuju niadzielu» 19 śniežnia
U Babrujsku, Asipovičach i Kiraŭsku aktyvisty hramadzianskaj kampanii “Havary praŭdu” siońnia nahadali miascovym žycharam, čym skončylisia prezydenckija vybary ŭ Biełarusi.
Aktyvisty raskleili ŭ ludnych miescach partrety svaich paplečnikaŭ, jakich utrymlivajuć za kratami i pad chatnim aryštam. Svaju akcyju “havarypraŭdaŭcy” nazyvajuć “Napaminam ab kryvavaj niadzieli”. Pavodle ich, ciaham siońniašniaha dnia było rasklejena bolš za dźvie sotni partretaŭ Uładzimiera Niaklajeva i Alaksandra Fiaduty z nadpisam “Svabodu palitviaźniam”.
Padčas pieradvybarčaj kampanii ŭ Babrujsku, Asipovičach i Kiraŭsku prachodzili sustrečy z kandydatam u prezydenty Ŭładzimieram Niaklajevym. Arhanizataraŭ sustreč Alaksandra Barana z Kiraŭsku i Ihara Treščava z Asipovičaŭ administracyja pradpryjemstvaŭ, dzie jany pracavali, vymusiła zvolnicca.