Zvarot pravasłaŭnaj intelihiencyi: Niedapuščalna biezzakońnie, u jakoje apuskajecca Biełaruś
33 pravasłaŭnyja aktyvisty, intelihienty, biznesmieny vystupili ź biesprecedentnym listom na adras patryjarcha.
33 pravasłaŭnyja aktyvisty, dziejačy kultury, biznesmieny vystupili ź biesprecedentnym listom na adras patryjarcha Kiryła. Padajom jaho całkam, u pierakładzie na biełaruskuju.
«Najśviaciejšamu Kiryłu, Patryjarchu Maskoŭskamu i ŭsiaje Rusi
Pradstajacielu Ruskaj Pravasłaŭnaj Carkvy
Vaša Śviataść!
Da Vas źviartajucca pravasłaŭnyja vierniki Biełarusi, jakija naležać da Biełaruskaj Pravasłaŭnaj Carkvy Maskoŭskaha Patryjarchatu, archipastyram i duchoŭnym lidaram jakoha Vy źjaŭlajeciesia. My pavažajem Vas nie tolki jak administracyjnaha kiraŭnika, ale i jak bahasłova, jakomu Ruskaja Pravasłaŭnaja Carkva abaviazanaja raźvićciom svajoj sacyjalnaj etyki, vyznačeńniem i abhruntavańniem tych fundamientalnych maralnych kaštoŭnaściaŭ, na jakich trymajecca žyćcio hramadstva, jakimi ŭ svaich dziejańniach kirujucca vierniki Carkvy. My zaŭsiody čakajem ad Vas, jak ad našaha Haspadara i Ajca, śviedčańni ab hetych kaštoŭnaściach pierad abliččam dziaržaŭnaj ułady, pierad abliččam usiaho naroda, jak heta było padčas vizitu Vašaj Śviataści ŭ Biełaruś u vieraśni minułaha hoda.
Vystupajučy ŭ Pałacy Respubliki, Vy najmienavali siabie «čałaviekam, dla jakoha los Biełarusi aznačaje nie mienš, čym los Rasiei abo los Ukrainy», jaki «atajasamlaje svajo žyćcio» z našym narodam. Vy kazali nam pra maralnaje samavyznačeńnie čałavieka, pra paklikańnie Carkvy zaścierahać čałaviečaje sumleńnie, «natchniać ludziej na toje, kab jany ni pry jakich abstavinach hety hołas u sabie nie zahłušali», asabliva va ŭmovach sučasnaha śvietu, dzie «vielmi lohka zabłukać, sistema kaštoŭnaściaŭ pierakručanaja, praŭda miašajecca z chłuśnioj», dzie «niaredka čałavieku ciažka zrazumieć, dzie praŭda, a dzie chłuśnia, i kudy iści».
Mnohija vierniki našaj Carkvy, a taksama mnohija biełarusy, jakija naležać da inšych relihijaŭ, i niavierujučyja, słuchajučy hołas sumleńnia, nie zmahli pryznać pieramohu Alaksandra Łukašenki na minułych prezidenckich vybarach česnaj:u alternatyŭnych kandydataŭ byŭ abmiežavany dostup da srodkaŭ masavaj infarmacyi; pradstaŭniki apazicyjnych partyj nie ŭvajšli u skład vybarčych kamisij; było adznačana mnostva faktaŭ administracyjnaha prymusu padčas hałasavańnia; čynilisia pieraškody niezaležnamu nazirańniu za vybarami; tam ža, dzie takoje nazirańnie viałosia, poŭna śviedčańniaŭ ab masavych falsifikacyjach.
Mnohija biełarusy, kirujučysia svaim sumleńniem, vyjšli na mirnuju manifestacyju, kab vykazać pratest suprać chłuśni, hvałtu, niespraviadlivaści. U vyniku pravakacyi la Doma ŭrada ŭdzielniki mirnaj demanstracyi i vypadkovyja minaki (u tym liku žančyny i ludzi stałaha ŭzrostu) byli žorstka źbityja, bolš za 600 čałaviek aryštavanyja i pryciahnuty da administracyjnaj adkaznaści i ŭ dadzieny momant utrymlivajucca u haniebnych dla čałaviečaj hodnaści ŭmovach. Bolš za toje, 19 čałaviek — kandydaty ŭ Prezidenty i ich bližejšyja pamočniki — byli aryštavanyja KDB, na ich akazvajecca žorstki cisk, niekatoryja ź ich surjozna paranieny.Padčas vizitu ŭ Minsk Vy kazali, što atajasamlivajecie siabie ź biełaruskim narodam. Ale ciapier, va ŭmovach usio bolšych hanieńniaŭ na inšadumcaŭ ŭ našaj krainie, kali prahučała i atrymała šyroki rezanans u biełaruskim hramadstvie Vaša, jak Pradstajaciela Carkvy, vinšavańnie dziejnamu Prezidentu Respubliki Biełaruś ź pieravybrańniem na
moža stvarycca ŭražańnie, što Vy atajasamlivajecie siabie nie z usim narodam, a tolki ź niekatoraj jaho častkaj, pakidajučy biez apieki inšuju, zusim nie małuju častku naroda, a mienavita ludziej, nieabyjakavych da losu svajoj krainy, čyjo mierkavańnie, ciesna źviazanaje z padańniami ab chryścijanskaj svabodzie i hodnaści i jakoje bazujecca na ideałach demakratyi, nie ŭličvajecca, chto vyklučany z paŭnapraŭnaha palityčnaha i hramadzianskaha žyćcia.Vystupajučy ŭ Minsku, Vy adznačali pryncypovuju važnaść taho, kab «Carkva nikoli i ni pry jakich abstavinach nie atajasamlała siabie z uładaj, siłaj i mahutnaściu, ale mieła mahčymaść pakorliva i spakojna śviedčyć ab praŭdzie Božaj».
Nam chaciełasia b vieryć, što pazicyja padtrymki Alaksandra Łukašenki Vašaj Śviataściu źviazana ź niedastatkovaj Vašaj infarmavanaściu, tamu my i źviartajemsia da Vas z hetym adkrytym listom. Druhaja meta lista — śviedčyć biełaruskamu hramadstvu pra toje, što jość pravasłaŭnyja biełarusy, jakija naležać da Maskoŭskaha Patryjarchatu, dla śviadomaści jakich niedapuščalna biezzakońnie, u jakoje ŭsio bolš apuskajecca kraina. Ličačy Vas svaim duchoŭnym lidaram, my nie zaklikajem Vas zaniać tuju ci inšuju palityčnuju pazicyju, roŭna jak i tyja, chto padpisvajecca pad hetym listom, volnyja pradstaŭlać roznyja palityčnyja siły, płyni, ideałohii abo nie pradstaŭlać nijakich, my tolki prosim Vas nie pakinuć biez apieki i tych svaich dziaciej, chto vystupaje za sumlennyja i spraviadlivyja vybary, za pavahu Kanstytucyi i čałaviečaj hodnaści.
Carkva spradvieku žuryłasia ab źniavolenych i pałonnych, tamu my prosim Vas akazać padtrymku tym, chto ciapier znachodzicca ŭ źniavoleńni. My prosim Vas zaśviedčyć, što Carkva stavicca da falsifikacyj lubych vybaraŭ, ź jakimi b matyvami takija falsyfikacyi ni ździajśnialisia, jak da chłuśni i hrachu.
My prosim Vas taksama vystupić z asudžeńniem niematyvavanaha hvałtu i zaklikać tych pravakataraŭ, jakija byli sapraŭdnymi arhanizatarami hvałtoŭnych dziejańniaŭ kala Doma ŭrada, da pryznańnia i pakajańnia. My prosim Vas zastupicca za siemji tych paciarpiełych,u jakich orhany apieki pahražajuć zabrać dziaciej. Niachaj Vaša aŭtarytetnaje słova, jakoje adbyvajecca ad Jevanhielskaha vučeńnia i chryścijanskaj marali, a nie ź imhniennaj palityčnaj kanjunktury i hieapalityčnych intaresaŭ, paspryjaje miru ŭ biełaruskim hramadstvie, a nie dalejšamu jaho raźjadnańniu i padziełu.
Z pavahaj i prośbaj śviatych Vašych malitvaŭ,
(Podpisy ŭ ałfavitnym paradku pa proźviščy)
Abramčuk Raman, prychadžanin
Vasilevič Natalla, prychadžanka
Vajciška Raman, prychadžanin chrama Kaśmy i Damijana ŭ Šubinie, h. Maskva, hienieralny dyrektar kampanii RV Miedyja (Maskva)
Holik Siarhiej, prychadžanin
Hančarenka Śviatłana Jaŭhienaŭna, prychadžanka chrama Žyrovickaj ikony Božaj Maci h. Biarozaŭki, inžynier.
Hros Andrej Hienadzievič, prychadžanin
Donaŭ Pavieł, prychadžanin chrama sv. ap. Andreja Pieršazvanaha, h. Minsk, prahramist
Dryha Alvina, prychadžanka
Dryha Maksim, prychadžanin
Žukoŭski Kanstancin, indyvidualny pradprymalnik, juryst, h. Homiel
Zabaštanskaja Aksana, siastra miłasernaści siastrynstva ŭ imia prp. Jeŭfrasińni Połackaj, h. Minsk, kandydat fiłałahičnych navuk.
Zadvorny Kanstancin, prychadžanin
Źvieździna Hanna, prychadžanka
Źvieździn Pavieł, prychadžanin
Karpovič Iryna, siastra miłasernaści siastrynstva ŭ imia prapodobnapakutnicy Vialikaj kniahini Maryi ŭ h. Minsku.
Kaciarynič Maryna, prychadžanka
Koladava Julija, prychadžanka chrama Kaśmy i Damijana ŭ Šubinie, h. Maskva.
Kraŭčuk Volha, prychadžanka chrama Śviatoha Hieorhija Pieramožcy, Kołasava, prahramistka
Kramuščanka Dźmitryj Usievaładavič, prychadžanin
Kramuščanka Natalla Alaksandraŭna, prychadžanka
Krukoŭski Alaksiej, prychadžanin
Kuksačoŭ Mikałaj, prychadžanin chrama sv. Sierafima Saroŭskaha h. Minska,
Kulbicki Illa, prychadžanin
Łasievič Alena, prychadžanka
Lankievič Uładzimir, prychadžanin prychodu Śviatoj roŭnaapostalnaj Maryi Mahdaleny h. Minska, fiłołah, aśpirant Biełaruskaha dziaržaŭnaha univiersiteta, mahistr humanitarnych navuk
Maćviejeŭ Jaŭhien, prychadžanin
Maćviejeva Kaciaryna, prychadžanka
Matusievič Natalla, prychadžanka prychodu ŭ imia sv. prp. Sierhija Radaniežskaha h. Minska, piedahoh, buchhałtar
Michalčuk Hanna, prychadžanka
Siamienčyk Nastaśsia, prychadžanka chrama Krupieckaj Božaj Maci, h. Minsk, žurnalistka.
Tarajkievič Marharyta, prychadžanka
Tryhubovič Valancina, prychadžanka
Podpisy možna pakinuć pad hetym artykułam abo na błohu Natalli Vasilevič.