Pamierła Alena Zaleskaja — adna z najstarejšych aktyvistak demakratyčnaha ruchu Viciebščyny

Na 78-m hodzie žyćcia paśla ciažkaj chvaroby pajšła z žyćcia Alena Vasiljeŭna Zaleskaja. Jana była viadoma jak adna sa starejšych aktyvistak demakratyčnaha ruchu Viciebščyny.

U pačatku 2000-ch jana kiravała haradskoj, a potym i abłasnoj arhanizacyjaj AHP. Była arhanizatarkaj i udzielnicaj šmatlikich apazicyjnych akcyj, u tym liku i šmatlikich «Łancuhoŭ nieabyjakavych ludziej».

Alena Zaleskaja vyłučałasia svajoj pryncypovaściu, bieskapmpramisnaściu, vytančanaj intelihientnaściu. Jaje inicyjatyŭnaści, aktyŭnaści mahli pazajzdrościć mnohija maładyja ludzi. I da apošnich dzion svajho žyćcia jana zastavałasia žančynaj ź vialikaj litary — zaŭsiody sačyła za saboj, apranałasia z admietnym hustam. Darečy, Alena Vasiljeŭna dobra šyła, viazała, niabłaha śpiavała. Jana była dobraj, patrabavalnaj maci dla svaich dźviuch dačok i piaščotnaj babulaj dla ŭnukaŭ.

Pachavańnie Aleny Vasiljeŭny Zaleskaj adbudziecca ŭ čaćvier, 29 lipienia.

Kamientary da artykuła