Kamunistaŭ pieravodziać na nielehalnaje stanovišča
Ministerstva justycyi dasłała ŭ Viarchoŭny Sud pazoŭ pra prypynieńni dziejnaści Partyi kamunistaŭ Biełaruskaj
Ministerstva justycyi dasłała ŭ Viarchoŭny Sud pazoŭ pra prypynieńni dziejnaści Partyi kamunistaŭ Biełaruskaj.
Jak paviedamlaje presavaja słužba Minjustu, ciaham pravierki dziejnaści PKB ministerstva dasyłała ŭ partyju zapyty pa dakumenty, što datykali jejnaha liku. Adnak nieabchodnych dakumentaŭ partyja nie pakłała. Za hetaje parušeńnie Minjust dasłaŭ u PKB piśmovaje papiaredžańnie. Adnak partyja znoŭ nie pakłała dakumentaŭ pra svoj likavy skład va ŭkazany ŭ piśmovym papiaredžańni termin.
«Ministerstva justycyi papiaredžvała kiraŭnictva partyi pra mažlivyja nastupstvy procipraŭnaj dziejnaści. Adnak partyja praciahvaje ihnaravać zakanadaŭstva Respubliki Biełaruś i nie prymaje zachadaŭ, jakija b śviedčyli pra jejnaje viartańnie ŭ praŭnaje pole», – havorycca ŭ paviedamleńni ź Minjustu.
Zhodna z art.31 Zakonu RB «Pra palityčnyja partyi», kali Minjust vynosić partyi piśmovaje papiaredžańnie i partyja va ŭstalavany termin nie likviduje parušeńniaŭ, što stalisia asnovaj dla vyniasieńnia papiaredžańnia, dyk dziejnaść partyi možna prypyniać na termin ad adnaho da šaści miesiacaŭ pavodle rašeńnia Viarchoŭnaha Sudu na zajavu Minjustu.