U Łondanie aktyvisty zakidali pirahom i kremam karonu Brytanskaj impieryi
6 śniežnia aktyvisty kinuli jabłyčny piroh i palili zavarnym kremam vitrynu z karonaj Brytanskaj impieryi ŭ łondanskim Taŭery, paviedamlaje BBC News. Za akcyju adkazvaje ruch Take Back Power, jaki nazyvaje siabie novym niehvałtoŭnym rucham hramadzianskaha supracivu.
Skrynšot ź videa
Padčas dziejańnia adzin z udzielnikaŭ kryčaŭ: «Demakratyja razvaliłasia», a druhi dadaŭ: «Brytanija razburyłasia. My pryjšli da skarbaŭ nacyi, kab viarnuć uładu».
U sacyjalnych sietkach ruch patrabuje ad urada stvareńnia pastajannaha hramadzianskaha schodu — «Pałaty naroda», jakaja pavinna ŭvodzić padatki na zvyšbahaćcie i «vypraŭlać» stanovišča ŭ Brytanii. Aktyvisty zajavili, što «miljardery kuplajuć palityčny ŭpłyŭ, pakul biazdomnyja pamirajuć na vulicach», i što patrebny Narodny dom dla abkładańnia padatkami bahatych.
Palicyja zatrymała čatyroch čałaviek pa padazreńni ŭ naŭmysnym pryčynieńni škody. Ekspazicyja z karonaj časova zakrytaja dla naviedvalnikaŭ.
Čytajcie taksama:
Klimatyčnyja aktyvisty znoŭ ablili supam karciny Van Hoha ŭ Łondanie
U Kitai turyst paškodziŭ dźvie fihury Terakotavaj armii
Kala Čyrvonaha kaścioła ŭ Minsku byŭ ździejśnieny akt vandalizmu
«Udar pa Tesla» — praciŭniki Maska pratestavali va ŭsim śviecie
Za napadami na miačeci ŭ Vialikabrytanii moža stajać sietka telehram-kanałaŭ, źviazanaja z Rasijaj