Zialenski ŭ paniadziełak pryjedzie ŭ Łondan, dzie sustreniecca ź jeŭrapiejskimi lidarami
Prezident Ukrainy Uładzimir Zialenski ŭ paniadziełak, 8 śniežnia, ździejśnić vizit u Vialikabrytaniju, padčas jakoha abmiarkuje ź jeŭrapiejskimi lidarami pieramovy pamiž amierykanskimi i ŭkrainskimi čynoŭnikami adnosna dasiahnieńnia mirnaj damovy, piša «Ukrainskaja praŭda».
Fota: Win McNamee/Getty Images
Brytanski premjer Kir Starmier, jak čakajecca, u paniadziełak prymie Zialenskaha, a taksama kanclera Hiermanii Frydrycha Mierca i prezidenta Francyi Emaniuela Makrona.
U brytanskim uradzie paviedamili, što Starmier skarystaje sustreču, kab «paćvierdzić padtrymku Vialikabrytanijaj Ukrainy».
Lidary taksama abmiarkujuć pieramovy pamiž amierykanskimi i ŭkrainskimi čynoŭnikami, nakiravanyja na dasiahnieńnie pahadnieńnia ab harantavańni paślavajennaj biaśpieki Ukrainy.