Z 24 śniežnia na Dziciačaj čyhuncy zapuskajuć «Navahodni ekspres»
Z 24 śniežnia pa 7 studzienia na minskaj Dziciačaj čyhuncy imia Zasłonava znoŭ budzie kursiravać śviatočny «Navahodni ekspres».
Fota: Biełaruskaja čyhunka
Padčas pajezdki pasažyraŭ buduć supravadžać piersanažy lubimych kazak. A na stancyi Sasnovy Bor haściej čakaje navahodniaje teatralizavanaje pradstaŭleńnie z udziełam Dzieda Maroza, Śniahurki i papularnych hierojaŭ multfilmaŭ, piša Mlyn.by.
Prakatacca va ŭpryhožanych vahonach «Navahodniaha ekspresa» možna budzie 24—31 śniežnia, a taksama 1—4 i 7 studzienia. U hetyja dni ciahniki ździejśniać ad dvuch da čatyroch rejsaŭ, a sama pajezdka zojmie 1 hadzinu 20 chvilin.
Čas adpraŭleńnia:
24 i 30 śniežnia, 1 studzienia: 14:20, 16:00
29 i 31 śniežnia: 11:00, 12:40
25—28 śniežnia, 2—4 i 7 studzienia: 11:00, 12:40, 14:20, 16:00
U zale čakańnia stancyi Zasłonava budzie pracavać hulniavy modul, jaki dazvalaje adčuć siabie mašynistam. Heta poŭnavartasnaje pracoŭnaje miesca z panellu kiravańnia i «voknami-ekranami», na jakich adlustroŭvajecca ruch na realnym učastku čyhunki.
Papiaredni prodaž kvitkoŭ startuje 16 śniežnia. Nabyć ich možna pa adrasie: Minsk, prasp. Niezaležnaści, 86 (kasa stancyi Zasłonava).